يابنت / عصر.. الهوا.. والطيش.. عديته !!

يابنت عصر الهوا.. والطيش.. عديته
تركــت ابشـــرك يامزيـــــونه دروبه

لاتنشدينـــي عن اللـــي فيه سويته
اللي مضى / يحرم ارد النــظر صوبه

مانـــي براجـــيه.. وابشــــرك خليته
زينـــه وشــينه حلاه.. ومر مشروبه


وان كان درب الصواب ف يوم زليته
فــا الله يغفر لعـــبده جمـــــله ذنوبه

هو يعلم السر لو عن مثلك اخفيته
سبحان من عنده الاعمال مكتوبه

لاتحسبينه مجال / أوشي مليته
والا كلام عليه النفس مغصوبه

باب وكما ماسمعتي قبل.. سديته
قلب الشقاوي على اللي فيه يادوبه

يابنت فاعماق قلبي حب حبيته
بانيه في خافقي.. طوبه على طوبه

من كل قلبي بدون خداع عزيته
حب ربا واروته بالصدق رعبوبه

وقتي وجل إهتمامي كله اوليته
غاية طموحي ألبي كل مطلوبه

بالله وش موقفي لاجيت هديته
لاسرت بعد اكتمال بناه عذروبه

عيب وحرام وجريمه كان غشيته
وأكبر مصيبه يخون الشخص محبوبه

كلمات الشاعر

وصل الله حمود الوقداني

صـــــــــــــــــــــــــــــــــ السانك ــــــــــــــــــــــــــح
شاعـــــــــــــــــــــ متميز ــــــــــــــــــــــــــــــــــــــــــر
ومـــــــــــــــــــــــــــــــــــــــبدع

الانيق صح لسانك
ابيات جميله يعطيك العافيه
وانت دايم مميز تقبل مروري
لك مكني جزئل الشكر
ابوريم

مشكور يا الانيق الغالي على نقل القصيده ...تسلم وتقبل مروري

ابيات جميلة مشكور اخي الانيق على النقل

مانـــي براجـــيه.. وابشــــرك خليته
زينـــه وشــينه حلاه.. ومر مشروبه




الانيق ابداع

يسلم عليك قناص شبوة


لك ودي