ياعمري الدنيا ماتسوى تنام وخاطرك زعلان ** ولابه شي يستاهل يخلـي قلبـــك يعانــي
طلبتك كان لي خاطر تبعد عنك الأحزان ** فديت عيونك الحلوه تبسم لو على شاني
حبيبي صار لي مده اشوفك تااايه وحيران ** وانا والله لو شفتك حزين تزود احزاني
انا احبك ولا ودي تعيش بدنيتك ندمااان ** ترى الايام محسوبه وتالي ذا العمر فاني
تصدق بسمتك والله تفرح خااطري الولهان ** يطير من الفرح قلبي واصير بعالم ثاني
وليما شفتك بضيقه احس اني انا الغلطان ** اعاتب نفسي بنفسي ولو ماكنت انا الجاني
غلاك بداخل عروقي ولا يوصل غلاك انســان ** يمر الوقت ويثبت لك غلاك ان الله احياني
بضحي بعمري لعيونك تنام انت وانا سهران * * وانادي جروحك لقلبي وتجي واحد ورى الثاني
إن شاء الله تعجبكم
تحياتي
العريفي