هل تقبل بالزوااااااج من فتاه مطلقه ؟؟؟؟؟؟

المشاركة الأصلية كتبت بواسطة uAe eVe

انا اللحين متى كنت ضد النساء بس انا كيف يفكروا بعض النساء واعرف الواقع اوانا افكر بعقلي مب بعاطفتي اوكي تعرف شو اقصد بالسخيفة

بعض الحريم ماعندهم قوه تحمل وصبر او تفكير بطريقة صحيحة
صار اول حل لحل المشكله بين الازاوج هو الطلاق

طبعا هي ماتفكر تتنازل شوي لان بعد الرجل المفروض يتعامل بعقلية خاصه وليس كما تعامل النساء النساء ومع الايام يتغير والحرمه صارت ااذا ماحبت زوجها من اول شهر خلاص تركته اصلا الحب يطلع مع العشره والصبر
اللحين الوحده تاخذ واحد متعود على اي شي مستحيل في يوم االحرمه بتغيره بالطريقة اللي تباه فيها تروح تزعل وتطلب الطلاق
وفيه من الاسباب السخيفه ماسوا لها بيت وصارت مشاكل على البيت عقبها اطلقت
منعها من الدراسه وتبا تدرس اتطلقت
اتضارب مع ابوها واتطلقوا
ماحبته اطلقوا


وصارت هذه المشاكل بين المصاعبه


بس على فكره انا قالوا لي انتي وحده ويبين هالكلام من الاسلوب فاعترفي

اسمحيلي ايف انا اخالفج في هالنقطة انتي حطيتي اللوم على الزوجة وكأنها هي السبب الأول للطلاق عزيزتي لا تحكمين من حالة او كمن حالة شفتيها امامج روحي المحاكم وبتعرفين ان الزوج يكون سبباً في الطلاق !!!

واستغرب يوم سميتي الأسباب سخيفة ليش اللي ايده في النار مو مثل اللي ايده في الماي هذا اولا وشيء ثاني اللي انا الاحظه ان الحريم بالعكس تحاول تحافظ على بيتها لأقصى درجة وما يوصل الأمر للطلاق والرجل اللي ما يهمه عادي ما عجبته غيرها وايد لكن منو اللي مسكين في هالحالة الحرمة وخاصة في قبيلة المصعبي الطلاق مب سهل ابداً والوحده يوم تطلق مب سهل عند القبيلة فكيف تقولين انها تدور سبب سخيف ما عيبها الريال ولا ما مشى على شورها تبا تطلق غريبه الصراحة شكلج مب عايشه في المجمتع ؟؟؟؟؟؟؟؟؟؟؟

والله بصراحه اليوم الرجال ابدعوا في ردودهم :-j
بس زي ما ذكرت اختنا الليدي قالت هنا موافقين بس من اللي راح ينفذ كلامه
ما علينا
انا من وجهة نظري ال....... بلاش اقول الواقعيه صح :-*
يالله مدام السالفه فيها مهر و عرسه وعفسه واستراحه وعشاء وتعب وقلق ومدري ايش
فالافضل ان الرجل ياخذ له وحده عليها غبار الوكاله . :D
اما اذا ما قدر وووووو...................
بس في بعض المطلقات والله يمكن الشخص يتزوجهم اذا كانت الوحده منهن على قدر كبير من الجمال .
ووو خالص مودتي لكم
شموخ
وخذوا هاذي النكته عندكم
في واحد كحتوت ( بخيل) راح يخطب عند ناس قال ابو البنت البنت مهرها 10 الاف ريال قال البخيل والله اني لقيت وحده جيزانيه بـــ2000 وحامل .!!! :-j

فالافضل ان الرجل ياخذ له وحده عليها غبار الوكاله .

هههههه غبار الوكاله ,,, تغبيره القراطيس على لا تشلها منها ولازم انك تدربها 1000 كيلو وبعدين تدعس ههههههههه الله يرج ابليسك شموخ

وخذوا هاذي النكته عندكم
في واحد كحتوت ( بخيل) راح يخطب عند ناس قال ابو البنت البنت مهرها 10 الاف ريال قال البخيل والله اني لقيت وحده جيزانيه بـــ2000 وحامل .!!!

هههههههههه انا شفت خبلان بس زيه ما شفت هههههههههه... وحامل بعد ....
~~~~~~~~~~~~~~~~~~~~~~~~~~~~~~~~~~~~~~~~

انا من وجهة نظري ما اشوف فيها شئ الزواج من مطلقه اذا حدت الامور ..

بس صدقوني يا كثر العذارى هل اليومين واللي تبغي الزواج ... يعني الواحد مثل ما قال اخوي شموخ يبغى وحده وكاله ...

لكم كل التقدير والاحترام ...

نصيحه ///// كل وحده تحافظ على زوجها .,.,.,.,. واذا كان ما يقدر الحياه الزوجيه تحتسب امرها الى لله ,,,

تسمحولي اقول شي يا بنات و شباب لحول؟
ذلحين الرجال اللي يا فينهم عادهم يتسألووو سبب الطلاق و الحريم قامن يلومن اعمارهن و يلومن بعض, خلوني الخص الموضوع لكم:

الحين فكروا فيها, مين اللي يتبهذل قفا الطلاق؟ الرجال يكمل عيشته ولااااا به شي, الحرمه اللي يا يكون عندها عيال يا خسرت شي من كرامتها يا معاد يجيها الا شيبه. فهل تعتقدوا انه الحرمه بتطلب الطلاق من غير سبب مقنع و هي عارفه العواقب؟
انا لي اقارب متطلقين كثير و اعرف قصصهم و لي اخت و قريبه متطلقه من نفس السبب, تعرفوا وش سبب طلاقهم؟ خلوني اقولكم لأني ضبحت من شباب المصعبي اللي خربوا سمعتنا في المجالس...

الشباب صايعييييييين! هذا هو, ولا هم قادرين انهم يبطلوا عادتهم بعد الزواج. كل ربعي في الدوام يكلموا و يواعدوا ولا يخافوا ربهم, و عليهم عيال شوفوم. لكن اللي يعور قلبي ذلحين اني اصحابي من قوم المصعبي صاروا من هاذي الفئة. يعني بقولكم شي كل واحد غلط و هو صغير كلنا لعبنا و جربنا ارتبشنا مع الشلل, بس الواحد يكبر و يتسغفر ربه و يبطل ذا الطيش خصوصا لو هو مقبل على زواج.
شوفوا صدقوني ذي بتتطلق من رجال هي عارفه انه خربان انه ان شا الله خير لها, ذلحين ذا الرجال لا يخاف ربه اولا, و لا يحب عايلته عشان يرضيهم, وبيقع يتسم بسمة النفاق لأنكم بتشوفون حرمتهم مغطيه من فوووق اللييييين تحت و هو يلاحق البنات العاريات في كل مكان.

الله يهدي الجميع, ولا حد يقع يتلفسف و يتكلم شدا على مواضيع الطلاق لأنكم ما تعرفوا خفايا البيوت ولا تعرفوا اللي يقع بينهم, لا تصدقوا ذي تسمعوه. و الله يعوض المظلووم في الطرفيين.

اخوي لحولي ماقصرت في ردك
وهذه حالات كثيره صارت تنتشر للاسف وي اللي تطلقت وفي اللي على قولتهم اقعدي واصبري معه وبايعقل

وراكنها في الزاويه لين مايعقل؟؟؟

ومثل ماقلت في امور ورى جدران البيوت محد يدري عنها..بغض النظر عن الاسباب اللي تطلع من طرف الطليق او الطليقه...ياما سمعت عن اسباب ظاهريه وانا اعرف الاسباب الحقيقه
باختصار المطلقه غالباً تدفع ثمن هذه الكلمه اضعاف مضاعفه مقابل الشاب الذي لو سمعته معروفه عند كل بيت وبالاخير يتزوج وبنت ناس معروفه

والمطلقه تنركن لشايب ولامطلق ولا ارمل

شوفوا ابائنا الاولين وامهاتنا صح كان بينهم طلاق كثي تلقى الوحده اطلقت مره ومرتين وثلاث وتتزوج من واحد اول مره يتزوج...لانهم يدورا على امر اهم من كونها بنت وكالة على قولتكم

وفي النهايه الزواج قسمة ونصيب سوء مطلقه ولابنت

بس اللي يقولوايأيدون هذا الزواج....مانشوف اي تطبيق في الواقع
واحترمت اخواني نياف وشموخ لصراحتهم

الموضوع حامي هنا
طيب ياشباب بسئلكم سؤال وودي تجوبه بصراحه
اذا وحده تزوجة واحد
وكان لسانه وسخ يعني الفاظه بذيئه ويضرب
وفووووق كل هذا مايشتغل
وامه تصرف على البيت وزوجته تتشتغل وتصرف على نفسها وعليه
وماخسر فيها ولاريال يعني لانفقه ولاعلاج ولاشي
وصبرت عليه كثيرررر تبغاه يتحمل المسوليه لكن لاحياة لمن تنادى
وفووق كل عيوبه هذي يبغاه زوجته تقطع صلتها باهلها عشان يتوحد فيها ويبهذلها على مزاجه
ولاتنسوا يضربها بسبب وبدون سبب يعني لعصب قام يضرب
ويسب اهلها
والبنت صغيره وماعندها منه عيال منه
بالله عليكم هل هذا الرجال تطيق تعيش معاه؟؟؟؟؟؟
وذا المره لطلبة الطلاق تكون غلطانه؟؟؟؟؟
ترا هذي قصه حقيقيه يعني مو خيال
اتمنا تكونه وقعيين عشان ماتظلمون الحرمه
لان كل واحد فيكم عندكم حريم فالبيت
اذا كانت اختك مكان هذي النت ايش حتفضل؟

انتظر ارائكم

مشكلة اجتماعيه حاصلة

للتربية فيها دور وللوعي فيها دور وللأخلاق فيها دور
ولعادات المجتمع والتأثر بسلوك فيها دور

وحقيقة انه كل مازاد احساسنا بالمسؤولية كل ماتلاشت مثل هذا المشاكل الاجتماعية
وأخص بالذكر الرجل هنا قبل الأنثى لأنه يقع على عاتقه العبء الأكبر
ولعل لنا في رسول الله صلى الله عليه وسلم أسوة حسنة

ولو تلاحظون ان زواجاته المتعدده فيها حكمه وليست عبثا
فهو قد تزوج البكر والثيب والأرمله والمطلقه
كل ذلك دعوة لنا أمته ان نقتدي به وأن لاناخذ الامور بمسمياتها فقط
/
/
بالنسبة لمداخلتك اختي حضرميه
فهي شيء واقع وصحيح وتحدث كثيرا ونراها حولنا
ومن المفرتض بنا ان نبدأ الامور من خيوطها الأولى
اين هو الخيط الأول في مثل تلك المشكلة
يقع على اهل البنت
فهم يجب ان يعلموا ان بنتهم امانه يجب ان لايقبلوا بتزوجيه الا من يرتضون دينه وخلقه ورجولته


/
عذرا فمداخلتي هنا موجزه جدا فقد فعلا تعبت من كثرة نقاشها
كثيرا جدا في واقعي وفي غير هذا المكان
أكتفي بالقول
في جميع الحالات إن لم تكن تصرفات الانسان نابعة من ذاته
ومتقبله لنصائح الغير فلافائدة مرجوّة كثيرا من النقاش

ولكم خالص التقدير

السلام عليكم...
كل واحد فيكم عنده وجهة نظر بس انا كلامي اللي ابا اقوله هو نفسه كلام ختي حضرميه ...
بس في نقطة ابا اقولها ان قبل يوم كنت اسمع عن سوالف الطلاق كان كل الغلط من الزوج
بس اللي الاحظه الحين ان اغلب اللي يتطلقون تكون المشكله من المرأة ... يعني يا خيانه .ز يا اهمال ولا مبالاه .. يا .......إلخ ...
ف ما اعرف سبحان الله البيوت اسرار ...
اما بالنسبة لمحور الموضوع الاساسي .. انا ماشوف ان في عيب ان الرجل ياخذ مطلقه ... بغض النظر عن النقطه اللي قالها اخوي المصعبي ان يسأل عن سبب الطلاق .. الطلاق صار وخلاص وانته مش في حياتها .. المفروض تعتبره ماضي ...

ولكم جزيل الشكر واسمحولي على المداخله

المشاركة الأصلية كتبت بواسطة حضرميه

الموضوع حامي هنا
طيب ياشباب بسئلكم سؤال وودي تجوبه بصراحه
اذا وحده تزوجة واحد
وكان لسانه وسخ يعني الفاظه بذيئه ويضرب
وفووووق كل هذا مايشتغل
وامه تصرف على البيت وزوجته تتشتغل وتصرف على نفسها وعليه
وماخسر فيها ولاريال يعني لانفقه ولاعلاج ولاشي
وصبرت عليه كثيرررر تبغاه يتحمل المسوليه لكن لاحياة لمن تنادى
وفووق كل عيوبه هذي يبغاه زوجته تقطع صلتها باهلها عشان يتوحد فيها ويبهذلها على مزاجه
ولاتنسوا يضربها بسبب وبدون سبب يعني لعصب قام يضرب
ويسب اهلها
والبنت صغيره وماعندها منه عيال منه
بالله عليكم هل هذا الرجال تطيق تعيش معاه؟؟؟؟؟؟
وذا المره لطلبة الطلاق تكون غلطانه؟؟؟؟؟
ترا هذي قصه حقيقيه يعني مو خيال
اتمنا تكونه وقعيين عشان ماتظلمون الحرمه
لان كل واحد فيكم عندكم حريم فالبيت
اذا كانت اختك مكان هذي النت ايش حتفضل؟

انتظر ارائكم

اختي الحضرميه .. لاتنسين انتي قلتي انها قصه واقعيه ... وبعد قلتي لو كانت اختك وش بتسوي ..

اولا اختي الكريمه انا اتكلم عن نفسي وعن مشاعري ...
هذا الانسان ما يستاهل ظفر منها ولا خصله من شعرها .. ولو كانت اختي مثل ما قلتي .. وهو يبغى يقاطعها عن اهلها ويسب اهلها بعد .. لا ما يرضي بها الانسانم لعاقل والللي عنده احساس .. لانها مسكينه ضعيفه ما فيها حيله .. انا من ناحيتي ما اخليها معه ساعه واحده لان في بعض الامور ما تنفع فيها الصبر والاحتمال .. ليش يضربها وليش يسب اهلها وش حضرته .. زوجته على عيني وعلى راسي بس يراعي الحياه الزوجيه .. يحمد ربه انها تصرف عليه ... ولا تنسي انك قلتي انها باقي صغيره في السن ... يعني الطريق قدامها مفتوح وإن شاء الله ربي يرزقها من يحافظ عليها ويعيشها افضل عيشه .. بس تدعي ربنا ان يرزقها الزوج الصالح ... وقبل كل شئ تدعي ربي ان الله يهدي هالزوج العنيد يمكن بدعائها الله يهديه .. ويرجع لصواب ...(( ويهديه ربي .. ((ان الله يهدي من يشاء ))
لك ودي واحترامي

شكرلك يابو صالح وشكر خاص لنياف