يانور عيني...محمد صالح المصعبي

يانور عيني جمالك في العرب غير=ماشفت حد يشبهك في أرض الجزيره
حسنك من الله ولا يحويه تصوير=مفنود نوعه ولا يوجد نظيره
مثل البدر في دياجير الدجى تنير=والناس في الأرض لك تمسي سهيره
من دونك الليل موحش بالدياجير=ولولاك ما في الشهر ليله نويره
ذابعض وصفك وأنا أدري فيه تقصير=حتى الصور فيك ماكانت جديره
لأن القوافي لحسنك ترفض تسير=والصمت عن نظمها أبلغ وخيره
حتى حلو في وصوفك تخجل تحير=لأن الحلى من حلاتك تستعيره
مزيون مملوح ماتوفيك تعبير=مجمول معسول في وصفك قصيره
يافتنة الله في خلقه بتدبير=فتنت قلبي ولا لي قلب غيره
عينك مثل عين شيهان الصقاقير=لا شاف زول الحباري مستذيره
وألحاظها مخلبينه ساعة يطير=من تضربه طاح وأصوابه خطيره
من يوم شفتك وفي قلبي تباشير=مثل الصحاري بالأمطار الغزيره
من بعد عقدٍ مضى منه مقافير=مرت سنينه ولا ليله مطيره
من مرّها ساق ذوده للمنادير=وش له بديره مراعيها قفيره
الأشجار فيها تناوشها الأعاصير=وتجتثها لين ترميها كسيره
واليوم لا والله إنها غير وبخير=والفضل لله ولك صارت خضيره
حبك سقى القلب وأنبت لك نواوير=ترعاه ذودك ولا معها خشيره
والأمر لله في لوح المقادير=ماحد يرد القدر لا حام طيره
ولا الهوى منه أنا من دون تفسير=حلفت ما أحب أحد وأصبح عشيره
إلا إن حصلّي هوى سيد الغنادير=اللي على الغيد مركزها الأميره
جابك لي الله بعد طول المشاوير=فيّه لقلبي بعد حر الهجيره
خذ خافقي لك خذه وبدون تأخير=والروح خذها مع قلبي أسيره
بس إروني فالهوى من جمة البير=رحمه لكبدٍ من الماضي فطيره
الحب أعمى ولا يعرف معاذير=يمشي على الله ولا يعرف مصيره
لا تعتذر يوم أجيكم صبح وعصير=وأقول مشتاق وأشواقي كثيره
من حقي أشتاق وأسال عنك وأغير=يابحر تحنان نفسي به قريره
وإن يوم حبيت غيرك جعلك بخير=إدر إن عيوني غدت فعلا ضريره

الله الله الله

ابدعت يابوووو صالح

صح لسانك واعتلاء شانك

لك الود والورد

رائعه كا روعة قائلها
//
صح لسانك اخي محمد قصيده اعجبتني كثيراً واعجبني التسلسل
//
وترابط القصيده والتصوير فيها يجعل القاري يسرح بخياله ويعيش القصيده
//
شاعر مبدع ونفتخر ان يكون في قبيلتنا شاعر مثلك
//
تقبل فائق التقدير والاحترام
//
اخوك ابن لحول

صح لسانك ياابوصالح والله لايحرمنامن قلمك وابداعك

صح لسانك

قصيدة جميلة ياالشاعر

صح لسانك قيدة رايعة جدآ



الله لايحرمنا





تحياتي وتقديري

صح الله السانك يالذيب والى الامام

ولاتحرمنا من جديدك

ودمت في رعاية الله