رباعية للشاعر/ بديوي بن جبران الوقداني

رباعية للشاعر/ بديوي بن جبران الوقداني

أول استبـداي باسمـك ياحـنـون =ياكريـم مـا تخالـفـه الظـنـون ==امرك المحفوظ فـي كـاف ونـون
وانت لي فـي كـل مغـواة دليـل
هيج اشواقي حمـام فـي الغصـون = بات ساجع فـي بديعـات اللحـون== بيـن تغريـد وترجـيـع يـهـون
مادرى اني في الهوى مثلـه عليـل
ياحمـام الـدوح هيجـت الـغـرام = ما سبب نوحك ومالـك مـن مـرام== عطني عهـدك وخـذ منـي ذمـام
بيعني شوقك وخـذ شوقـي بديـل
ان فـي قلبـي جـروح ماتطيـب = مابـدت حتـى يداويهـا طبـيـب=من هواجس جات من فرق الحبيـب
باح مكنونـي وصبـري مستحيـل
كلمـا هـب الصبـا قلبـي صبـا = من غزال في الحمـا فـاق الظبـا= ظبي جـازي يرتعـي نبـت الربـا
يسلب العشـاق بالطـرف الكحيـل
مـال عنـي بالتجافـي والصـدود = ما بقي غيـر الحسائف والوجـود=كم رعيـت النجـم والعالـم رقـود
والمحاجر دمعهـا الصافـي يسيـل
زارني طيفـه كمـا طيـف النسيـم = جـدد الاشـواق والعهـد القـديـم=وانثنى فـي داجـي الليـل البهيـم
قلـت زدنـي قـال يكفيـك القليـل
آه مـن هـم شـوى قلبـي بـنـار = وان طلبـت الصبرما لقالـه قـرار=كيـف ابـا صبر والحشا للهم دار
صار مالكنـي وانـا عنـده نزيـل
قمت ممـا حسنـي عنـد الهجـوع = يـوم كـل نـام ولعـت الشمـوع= والهواجس جاتني تمشـي جمـوع
مثل ورد النحـل فـي وادي طفيـل
أو كما سيـل تسايـل مـن مضيـق = يقلـع الحيطـان والسـد الوثـيـق= يأخـذ الاشجـار ويسـد الطريـق
زاد عن حده وضـاق بـه المسيـل
طار نومي يوم نامـت كـل عيـن = بت ساهـر مـع نجـوم الفرقديـن=من هواجس من جفا من جور ديـن
ما بقـا الا البعـد عنهـا والرحيـل
صوب ارض الشام أو ارض العراق = عـل يـوم فيـه ينحـل الـوثـاق=كم نقاسـي والقسـا مـر المـذاق
ربمـا نلقـى عـن المنـزل بديـل
دع بـلاد الـذل وارحـل يالبيبب = واغتـرب فالكـل بالدنيـا غريـب= القضاء مكتـوب والداعـي نصيـب
اركب الاخطـار والهـول المهيـل
وان جفتك الـدار أو مـال الزمـان = لا تعيش بــدار ذل أو هــوان= لـو يظلـي نبتهـا مـن زعفـران
صاحب الاخطـار واجعلهـا دليـل
شد عن ارض الاعـادي والحسـود = واطلـب العليـا وبالـغ بالجـهـود= لو يكون العز فـي غـاب الاسـود
خير مـن دار تعيـش ابهـا ذليـل
كـل مـن رام العـلا يرقـى لهـا = سلـم الاخطـار فــي اهوالـهـا=مـن تراخـى عزمـتـه ما نالها
دونهـا يقصـر البـاع الطـويـل
اقطع البيداء علـى عـوج النضـا = لو يكن تمشي على جمـر الغضـا=مـا يفـوت العمـر قـدام القضاء
ديـن عنـدك ليـن يأتيك العميـل
عاشر الاحرار مـن اهـل الرتـب = تستفيـد العـقـل منـهـم والادب= حيث هـم اهـل المـروة والنسـب
واترك الانذال مـا منهـم حصيـل
سل عـن الجيـران قـدام النـزول = وان سمعت الناس تهـرج لا تقول=تكتسـي ثـوب المعـزة والقبـول
والخلائق يذكـرونـك بالجمـيـل
كم كـلام راح فـي نقلـه نفـوس = وانت ما تأخذ علـى نقلـه فلـوس= لا تفتش كـل حـب فيـه سـوس
كم تخوض الناس فـي قـال وقيـل
صون عرضك من ملاغات السفيـه = واتـرك الكذبـان سـودان الوجيـه= من حكى عنهم يعـود الكـذب فيـه
كيف تأخذ هرج مـن بايـر هبيـل
اترك البيت الردي وانص الرجـال = خذ عريب البيت مـن عـم وخـال=يوم تنظـر فـي ولدهـا كالهـلال
وان مشى بالدرب ما يغوى الدليـل
خذ عزيز البز مـن زيـن القمـاش = والردي لو كـان يعطونـك بـلاش= ما يفيدك كيف تأخذ شيء مـاش
بيعـة المغبـون منـهـا يستقـيـل
دور الطيـب لـو وغـال الثـمن = لو يكون القصد في صنعـا اليمـن= لا تغـرك صقلـة الوجـه الحسـن
ابـذل المجهـود بالمـال الجزيـل
الذهـب مـا يخلطونـه بالنحـاس = غير بعض الناس مـا عنـده قيـاس=خذ نصايح ما حواهـا بـو نـواس
مثل نظم الـدر واللولـو الأصيـل
وان ملكت المال لا تغدي شحـوح =اطعم الجيعـان واكسـي كـل روح=الدبـش والمـال لابــده يــروح
و الثناء والمجـد جيـل بعـد جيـل
هم روحك واغتنم عصـر الشبـاب = ان لـلأيـام مـيـل وانـقــلاب=وانت فيهـا تنطـوي طـي الكتـاب
لا تغرك صحـة العمـر الطويـل
اترك الدنيـا ليـا جاتـك ضحـوك = لا تغـرك بالملاعـب والشـكـوك= كم غرر فيها وكـم غـرت ملـوك
ضحكها غرار ما اسرع مـا تميـل
والعـدو لا تأمنـه لـو بعـد حيـن = لو حلف بالبيـت والركـن اليميـن=الحقد والبغـض فـي قلبـه دفيـن
وان ضحك بالوجه قلبه لـك غليـل
خـل عنـك الكبـر فالله الكبـيـر = لا تحـاقـر عـاجـز والا فقـيـر=واعـلـم ان الأمــر لله الخبـيـر
يقصـم الجبـار ويـعـز الذلـيـل
كم فقــير مات قدام المــمات=موت بعض الناس خيرا من الحيات=ان بكن أو ما بكن النائحات
البكا خسران في بعض الهزيل
والف صلوا ما سجع بالاشتراك =ساجع القمري على غصن الاراك=في رياض علها نوء السماك
كل يوم الركب له فيها مجيل
تبلغ المختار والصحب النجوم = ماسعا او طاف بالبيت القدوم= والمصاحف والمكاتب والعلوم
والحصا والرمل ميل بعد ميل
منقووووول

صح الله لسان القائل الوقداني ع القصيدة الروعه

والنصائح المصغية بالذهب ..كلام موزين يدل ع اهداف طيبه .


ويسلموو الناقل لك كل الود والتقديري..


تقبل مروري

رباعية جميلة يعطيك العافية على نقلها وشكرا لك وكل عام وانتم بخير وخواتم مباركة

يسلمو خيو على النقل الاكثر من رائع وصح اللة لسان الشاعر