محاورة بين شاعر عنزي وشاعر همامي

محاورة بين شاعر عنزي من شمال المملكة من سكاكا كان يؤدي خدمة وطنة في الجنوب في شروره وشاعر من همام والبداية مع العنزي وهو يشكي حالتة والاقامة في منطقة الربع الخالي ويسخر من الارض وهلها

البداية مع الشاعر العنزي


هانت وما باقي سوى عدة ايام
ونترك شروره والجنوب لأهلها
مضت سنه كنا بها مثل الايتام
والنفس عيت لا تبين زعلها
الغربة اللي قطعت وصل الارحام
شفنا الشقى شفنا الجفى في حللها
دار قبايلها صياعر وهمام
مع نهد وابريكي وكرب من اهلها
ما اقول فيهم شي والنعم قدام
واللي وقع بالسالفه ماجهلها
في ربعنا الخالي سكنا لنا عام
وسط الطعوس ولا لمحنا سهلها
قاع شهبا من شافها راح منضام
قاع تقطع ناظري من محلها
وماني على اللي قلت ملزوم الزام
والقافية مثل العسل في نحلها
ودار الشمال اللي بها عشق وهيام
لا يابعد دار الجنوب وسهلها
دار القرايب والحبايب والاعمام
دار نموت ولا ندور بدلها
هانت ولا باقي سوى عدة ايام
ونترك هل الوزرات ترعى هملها




فرد عليه الشاعر (الهمامي)


ماكل طير له جناحين حوام
ولا كل من رام المعالي وصلها
ولا كل حمل صاحبه لا نهض قام
حمل الثقيله ماله الا جملها
والا انت وش لك والمواجع والالآم
والغربه اللي ضايمنك ثقلها
خلك قريب عند بابا مع مام
بين الدلع والغي تلعب وتلهى
خلك تربى بين احاسيس وانغام
ناعم وهايم بين ضحك وهزلها
تفدى هل الوزرات يافرخ الاقزام
وتفدى همل ذودي وتفدى فحلها
كسب الجدود ابعد على كل سوام
خيرة حلالي كم بليهي وبلها
عزً توارثناه زام ورى زام
بعد الجدود وكل نبته لاصلها
نرهي شحمها للكفو عز واكرام
ومكانته فوق الجباه وعقلها
وراعي الردى ماله سوى دوس القدام
ايش القدم لا والله الا نعلها
الحر مايسكن سوى روس الاعلام
عاف الطمانه وارتفع مانزلها
وانته سكاكا تاخذك حب واغرام
في حفرة كل الملاء تعتزلها
ولا يشبهك كود اليهودي ولد سام
ياكم كرامه غالية ماقبلها
المن والسلوى تركها والانعام
واستبدل العليا بريحة بصلها
قلته ولا اخشى في عواقبه لوام
اليد ماتكسب سوى من عملها
والشعر له مبدى وقانون واحكام
وابيات بندر واضح (ن) لي خللها
الصح يدري به صحيحين الافهام
والغير تظهر به دلايل فشلها
وماكل طير له جناحين حوام
هذي الرخوم مربعه في زبلها


فاغتاض الشاعر العنزي وقال هذه الابيات


سميت باسم الله وادنيت الاقلام
الفكر صافي والقوافي شملها
سمعت لي صوت تقل صوت نمام
وقلنا نبي نسلى ونلعب ونلهى
*** نبح معذور مقهور منضام
سب الرجال اللي مبين عملها
سب عنزه ياعل عمره للاعدام
مسكين يالي كلمته ماكفلها
وسب الشمال اللي بها كل الاكرام
ماهي مثل يمناك باين شللها
سئلت عنه وقيل من صلب همام
محسن نبح واشياء كثيرة جهلها
ابسئلك منهو كفيلك قبل عام
واقامتك منهو باسمه نقلها
لا ياليماني رح تنومس بالاحلام
وتبرك الناقة يعرفك من فحلها
وخلك مع الاسواق بايع وسوام
وخل القبايل عنك لا لا تصلها
واقول البس فوق خدينك لثام
والبس عبايه والعبايه لهلها
والا اظهراسمك بالقوافي والاعلام
وخل الرجال تناطحك في جملها
حنا بني وايل على مر الاعوام
نكسر خشوم اللي مبين زعلها
عدونا نسقيه من كاس الالآم
وصديقنا يشرب من اصفى زللها
اشغلت وقتي فيك يانسل همام
وهذا انت ماتسوى الدمن في سخلها



فرد عليه الشاعر ( الهمامي ) برد قوي ومناسب قائلا

لادام راسي لاانحنا على لادام
الا لربي في الفروض ونفلها
لني انا من بادي الوقت قدام
اهوى الطليعة مارتضي لي بدلها
بالعز شامخ في طويلات الاعلام
يبطي الردي ويموت ماقد وصلها
من حقي افخر دام لي درع وحزام
بوجودهم كل الثقال احتملها
لي ضاقت الفيحاء بدا كل ضرغام
يزئر بصوته والشوارب فتلها
يطوع العاصي ويجعل له اخزام
شرموم حظ وكل ميل يعدلها
يعدون في الهيجاء مع كل مقدام
سوامة للروح يبغون اجلها
قوم لها ماضي على مر الاعوام
وحاضر مجيد شاهده به دولها
وتشهد على تاريخها اعراب واعجام
واسال فلبي عن وقايع نقلها
مجد له التاريخ يبصم بالابهام
ثم ينحني باجلال للي فعلها
هذول ربع لي بني الجد همام
من بكر بن وايل سلايل نسلها
وان كان صابتنا صواديف الايام
وتفرقت الاخوان وابعد حللها
فالارض وحده مالها حد قسام
واية بلد لوما تسامن اهلها
واهل الشمال الحق وافين وكرام
صيت لهم عدى بكوكب زحلها
وسبعين نعم للرجاجيل الاحشام
من قوم تعرف وش عليها وش لها
بس انت دراك في فلسطين والشام
ولا يستمي بالدار كل من نزلها
نسبك ضايع هامل اخوال واعمام
لا بعنزه ساسك ولا من رولها
دور عروقك يمكن الجد حاخام
والا صليبي محتشم من رغلها
قد كانو لقيصر مماليك خدام
يمكن حدا منهم لجا وانتحلها
وان كنت تسئل عن كفيلي قبل عام
واقامتي منهو باسمه نقلها
ترى كفيلي يالنذل حر لطام
اذا لطم يفني واذا اعطى جزلها
ابن الملوك اللي على الناس حكام
انا وانت وكم شعوب كفلها
شملني اسمه واعتبرته لي وسام
مثله كفو يمنح ومثلي قبلها
وافخر لو ان مالي سوى موضع اقدام
بارض اليمن يالله تسقي محلها
دار لها في المجد تاريخ وارقام
مافيه غازي ينتصر لو دخلها
وترى التجارة مابها عيب واشوام
حرفه نبيله كم كريم شغلها
قبلي نبي الله من جا بالاسلام
وقومه اذا كنت تعرف وش عملها
وانا مع الاسواق بايع وسوام
اعرضك في سوق النخاس بهللها
والا ابيعك مثلما بيع الاغنام
لكنك اكسد من بواقي زبلها
ياراعي الساحة وياناطح اخشام
من سمع صوتك يحسب انك بطلها
متى على الله بانت ابياتك العام
قل لي ووضح يامسيكين قلها
يوم ان ضمنت النقل ومقابل الهام
بانت مواري المرجله يابغلها
ولا استميت لان نفسي لها اكرام
مابغى يقال الذيب بارى حملها
لكن لفيت بردوانا لك شغام
ارد انا ابياتك واعدي ذبلها
هذه هديه لك بها كي وفطام
تفطمك عن كثر الصياح وجدلها
وياشيخ ياالنوري ترى الشيخ ينلام
يربط همل قومه ويظبط خملها
والهيس يثني له بقيدين وازلام
والله يخلي للحريم بعلها

صح السان الهمامي انشهد انه كفا ووفا


راق لي ونقلتة لكم

حوووووح عليهم الصراحه محاوره ه قوييييييييه

تسلم يمينك اخويه الراسي

بروق السحايب

اسعدني مرورك من هنا

الراسي محاوره شيقة مشكور على النقل ..... وبيض الله وجهه الشاعر الهمامي

لكن وشي له داعي يتناحرو بالكلمات وهم من جد واحد ؟! الله يصلح الشان

الهمامي شاعرمتمكن ورده قوي وزين لابن لقزام تسلم ياالراسي على نقل المحاوره

اراهنكم ان الهمامي
اذري حقه من اليمن
ونعم ببوه