.. الله يـجـازي مـن يـسـوّي سـواتك

{ .. الله يـجـازي مـن يـسـوّي سـواتك
وبذنوب من سوّا سواتك يجازيك !!

مشيت درب الثقل وتحب ذاتك
ماتـدري انـّه لـلمـهـالك يـودّيـك

وغرّك جمالك ياخسارة حـلاتـك
ماتدري ان ماغير طبعك يحلّيك ؟!

بـتـقول زيـنـك يـشـفـع لـسيـئـاتك
الحسن ماهو عن وفا الحب يعفيك

لو التواضع والـوفـا مـن سـماتك
بعت الحبايب كلهم دين واشريك

لكـن عـجـزت اغيرك ياجـراتـك
على الغياب اللي بلا عذر ينجيك

خطاي في توضيح وش هي غلاتك !
وخطاك في توضيح وش هو تغليك !!

وش لون تـوصـيـني وتنسى وصاتك ؟!
وتصد عن صوت(ن) تقطع يناديك

مافاتـك الـتـجـريـح والـعـذر فـاتـك
وتبغي رضاي الحين؟ ماعاد يمديك

صحيح احبـك بـس هذي جزاتك
بعلمك درس(ن) يفيدك ويحييك

تدري وش ابيض من خفوقك؟ عباتك!!
وتدري وش اللي غرني؟ نظرتي فيك !!

ادري بتستغرب تـصـبـر وجـاتك ..
قصيدة(ن) من واحد(ن) كان يبغيك

وتبغي تناظر وانت عايـش مـماتـك
شف وحدتك والناس تجلس حواليك

وتبغي تشوف اشجع رجل في حياتك
شـفـني وانـا مـقـفـي على كثر مغليك !!!! ...}


الشاعر محمد بن فطيس المري


اتمنى تعجبكم

بعت الحبايب كلهم دين واشريك

لكـن عـجـزت اغيرك ياجـراتـك
على الغياب اللي بلا عذر ينجيك

خطاي في توضيح وش هي غلاتك !
وخطاك في توضيح وش هو تغليك !!
الانيق ان كان الابداع في بن فطيس

فانت الابداع في طرحك

لك ودي
اسجل اعجابي

مشكور اخي اهل حبان على الرد الراقي والمرور العطر

صـــــــــــــــــــــــــــــــــح السانك واعطاك الله العافيه على الطرح الجميل

مشكور اخي ألأنيق على هذه القصيده الجميله
ذكرتنا والله بأيام العشق هههههه وانا أوافق تعليق أهل حبـــان ....

مشكور اخي الانيق على نقل القصيده الجميله تقبل مروري