موت الاماني

--------------------------------------------------------------------------------

موت الأماني

من بعد موت الأماني ما بقى فيني بقيه



ما بقى لي غير جرح{ن} يفقد العاقل صوابه



ما بقى غير الطعون اللي من الرحمة بريه


ما بقى غير الجروح اللي دعتني للكآبه



ما بقى لي غير حرف{ن} لا رحل يبكي عليه



ما عرف يوم الخيانة ولا ذرف حبره صبابه



كل ما غابت طيوفي يقلب الدنيا عليه



كل ماجارت ظروفي يحتويني في رحابه



يشعل أنوار المحبة لجل تعلن عن مجيه



يرتوي العالم مشاعر لا وصل حضرة جنابه



والجروح اللي بقلبي كل ماجارت عليه



ينهمر دمع المشاعر ينتظر صوت الإجابه



يا عذابي يا جروحي أرفقوا فيني شويه



لا متى أحمل شقاكم وأترك العالم و اهابه



لامتى ترحل حروفي وادري فيها تموت فيه



لا متى تشعل ضلوعي و تنتحر ياللغرابه



لا متى تدفن بجوفي كل أوجاع البريه



لا متى تسكب قصيدي في متاهات الكآبه



لا متى تبقى حياتي من عنى حظي رديه



لا متى همي وحزني والألم واللي جرابه



من بعد موت الأماني مابقى غيري ضحيه



لاقدرت أنسى السؤال ولاقدرت ألقى الإجابه

مع تحيات :المـــــــــــــــــــــــــــــــعلل

الف شكر على هذا الابداع
فائق احترامي

مشكور أخوووووي ...