بسم اله الرحمن الرحيم ارحبو يالاجواااااااااد يهلا والله بعزوتي ياهلا بنشاما الشاعر في هذه القصيده شاف شاب مدلل راكب شاص شاف انه ماهو من ابتالهاطلع الهاجس معه وكتب هذي الابيات
يا شاص جيتك ناوي اليوم أعزيـك........................قرب يجيك الموت حـان ارتحالـك
من يوم شفنا لابس ألكـاب راعيـك.......................مدري وش اللي غير اليـوم حالـك
أبـو سبيـب كنهـا شكـة الديـك.........................يمشـي وكنـه مـوردك للمهالـك
إن كـان ذا حالـك فحنـا نخليـك.........................عقب الربـع قالـو ترانـا رجالـك
عقب الكوامري ولعبـن بالشرابيـك.....................واليوم فوق الشاص عقب الكدالـك
مـا بـقـا الايقلبـونـك تماتـيـك.......................ويبـدلـون ألمرتـبـه بالمـدالـك
مادام حطولـك جنـوط وسيراميـك.......................اصبر وتحمـل كـل شـي ينالـك
يا للي ركبته وش تبـي بالمهاليـك.....................غلطان أبوك اللي رضا وشترا لـك
الشاص ماهو لك ولا هـو باغيـك...................الشاص للرجال اللي تعرف المسالك
لصار جـو البـر يمخـش اياديـك.......................خله يجـي قرمـن يسوقـه بدالـك
مدام طوقك مرتفـع عـن علابيـك.........................وأبـوك زود بالنعـومـة دلالــك
عز الله إن أبوك ما عـرف يربيـك.....................ولامسك نصب المساحـي بشمالـك
لمـع وضلـل صافيـات الشبابيـك....................ولا يفارق الفيري مع الوقـت بالـك
الشاص مالك به أقصر خطاويـك........................حـدك الدائـري وهـذا مجـالـك
تقبلو خالص تحياتي اخوكم ابو صخر المصعبي
الإهداءات
01-12-2008, 09:45 PM
عز الله إن أبوك ما عـرف يربيـك==ولامسك نصب المساحـي بشمالـك
العرض العادي
