اليوم يا عزيزي حجربه صحيت من النوم الساعه 2 الظهر رحت اصلي الظهر في مسجدنا اللي في الحوش بعدها قعدت انتظر الغدا اول ما جاء الغدا انسدت نفسي ما ابي غدا ليش مدري ؟
بعدها قعدت على النت وعلى هالحال حتى اذن العصر صليت العصر ورحت بعدها انا وواحد من اخوياي نتمشى في ارجاء المدينه المقدسه نجران وصلنا عند مقبرة طعزه ( مقبرة الفيصليه ) تذكرت اني والله مقصر كثير في حق ابوي واجدادي آخر مره زرتهم قبل حرب العراق قلت لخويي وقف ابي انزل فقال لا والله ما اوقف قلت ليه ابي اسلم على الموتى قال يا شموخ دع الموتى يرقدوا بسلام فشد بيننا الكلام حتى اني نزلت غصبا من سيارته وانا مسوي فيها اني زعلان وقفت عند باب المقبره وادعي حارسها الباكستاني واقول له يجيب معه سطلين ماء وورقتين حق الجنه والنار فرحت الى جهة مقابر المصاعبه في زاوية 120 من الجهه الجنوبيه من المقبره وقفت عند قبر الوالد الله يرحمه ورفعت يدي وانا اجهش بالبكاء واترحم عليه وناظرة وراي ولقيت الباكستاني فرفعت عليه صوتي قلت له انت واقف هنا وش تسوي فقال وش اسوي صديق فقلت له يالله ابك على ابوي مثلي فقام يمثل ويبكي ما علينا اهم شي اني خليته يبكي وبعدها رشيت الماء على قبر الوالد وخليت الباكستاني يعيد ترصيص الحجار اللي حول قبره والتفت الى الجهه اليسرى لقبر الوالد والاقي قبور من بقي من الاهل وارفع يدي في السماء واقول
(( يارب ان عمي ........ قد مات وهو الان تحت تراب ارضك
اللهم انه قد ظلمني ذات يوم بأخذ ريالين من محفظتي وانا صغير دون علمي كي يعطيها ابنه اللهم ان كان يعلم بان المال كان مالي فاجعل قبره حفره من حفر جهنم واشغله في قبره ولا ترحمه واضيق عليه اللحد حتى اسمع الان تكسير عظامه اللهم آمين....
ويارب ان كان لايعلم بان المال كان مالي فلا تعذبه واجعل ابنه خالد يحلم ابيه في المنام ويوصيه بان
مازال هناك دين على ذمته لشموخ وان يقوم ابنه بسدادي اضعاف مضاعفه اللهم آمين.))
والتفت على قبر جدتي ...... ورفعت يدي في السماء وقلت
(( اللهم ان جدتي قد اصبحت تحت ارضك وانت ربي وربها
اللهم انها قد ظلمتني ذات يوم وجعلتني ارعى لها اغناماً لها في يوم نحس مستمر ووعدتني بان تعطيني شاتاً من عندها وقد ماتت قبل ان آخذ الشاه.
اللهم ان كانت تضحك علي ومستغلتاً طيبة قلبي تجاهها فجعل قبرها مثل قبر عمي اللي دعيت له قبلها وان كانت تريد سداي واعطائي شاتها فجعل قبرها عطرا ً مبخرا مثل البخور اللي في شنطتها اللي عند اختها .
اللهم امين وقرات عليها ما تيسر من سورة التوبه.
والتفت بعدها الى قبر خالي
ووقفت عنده وقلت
((اللهم ان هذا خالي قد مات واصبح تحت ارضك وانت اعم به منا ومن اهله
اللهم انه قد وعدني بزواجي بابنته ومات قبل ان ينفذ وعده
اللهم ان كان يريد استغلال طيبة قلبي له ولبنته اللي كنها صاج محترق فجعل قبره مثل قبر جدتي وعمي وازود عليه قليلا لانه ليس من اهلي بل من اخوالي
اللهم وان كان يريد زواجي بابنته ولكنه قد مات فجعل قبره كما هو وارحمه من عندك فانت تعلم بانه قد كان يسبب لي ولامي الكثير من المشاكل عندما يخبرها عن مشاكلي مع ابناء اخوالي.
اللهم آمين ))
ونظرة بعدها الى قبر ابن عم لي ورفعت يدي الى السماء وقلت
(( اللهم ان هذا ........ بن عم اصبح تحت ارضك وانت ارحم به منا
اللهم انا قد اخبرناه بان في العجله الندامه وقد مات في حادث وبسيارتي
اللهم ان كان في ذلك اليوم مستعجل وكان يريد ان يلحق على السوق كي يشتري مقاضي اهله قبل الاذان فاجعل قبره مثل قبر ابيه اللي دعينا عليه في الاول
وان كان مستعجل ويريد ان يلحق على البنشر كي يغسل سيارتي ويغير لها الزيت فيارب نرجوك ان تجعل قبره ماءً طهورا وتجعل ملائكتك تغسله بذلك الماء
اللهم امين...
وزالتفت وما زلت التفت ورايت بان هناك الكثير من لهم حق الدعاء قبل ان اذهب ورفعت لهم يدي وقلت في صلاتي في بيتي ادعوا لكم واتشفع عتد الرب لكم
واعطيت الباكستاني بضع من المال كي يقوم بالدعاء لهم بالنيابه عني.....
خرجت من المقبره ولقيت واحد من عيال المصعبين وقلت وش عندك هنا فقال ابد سلامتك بس رايح المغسله اوديك معي على الطريق فقلت له اكيد ولا وش ابي في وجهك فركبت معاه ووصلني البيت فدخلت على الوالده فقلت لها وسلمت عليها وقالت يا شموخ ترا عاد ولد عمك خالد جا قبل شوي يسال عليك ولا لقاك فتبسمت فرحا ً وقلت في خاطري والله شكل ابوك مغربل في قبره ولا ماكان حلمت به بذي السرعه ورحت بعدها على طول لبيتهم ويوم للقبته وذاك الوقت كان وقت صلاة المغرب فقال خلنا نصلي وابي اكلمك في موضوع فقلت له خير إن شاء الله طبعا ً انا وهو صلينا وبعدها رحنا لبيتهم ولقيت واحد من اخوانه فاجر مثل ابوه لا صلاه ولا دين وقلت له ليش اخوك قلان ما يصلي فقال ابد واحد من اخوياه عطاه صك للجنه وانا علشان ذا الموضوع جيت عندكم البيت .
انا بصراحه جاني احباط قوي قوي قوي وقلت وبعد كمل وقال شموخ يا خوي ابيك تسلفني مكافاة الشهر هذا حق الكليه وانا راح اعطيك فلوسك اول ما استلم الراتب فقلت اسمع وانا ابن عمك فلوس المكافاه قرحت كلها وما بقى معي منها الا سبعه في وجهك انت واللي زد يعطيك وجه وانا خارج ومعصب من عندهم سمعت عمتي تناديني وهي تقول شموخ شموخ ابهى يا شموخ هونت با تتصيورني فقلت وش تبي فلوس مافي فنش فقالت لا صابك انت وفلوسك الا اقعد للعشاء عندنا بصراحه انا عندي ضمير دون كل البشر قلت استغفر الله ما يجوز اتعشى مع عيال شخص دعيت عليه اخاف الدعوه تلحقني معهم وانصاب مثلهم فقلت بعدين عمتي يوم ثاني وانزل مهرول واركب السياره وادعس الى بيتنا وكالعاده صوت اخبار الجزيره سمعته وانا عادني ما خذ اللفه حق الحاره كالعاده الوالده على الاخبار في الصاله والاخوان واحد مع اخوياه في غابة سقام والثاني عند السوني والثالث يكتشف ما تبقى من مهاراته في الحوش يلعب والرابع والخامس كل واحد في فلكه يسبح
المهم صليت العشاء ويمروني اخوياي اللي متواعد معهم للطلعه بصراحه انا كنت ميت جوع لا فطور ولا غدا المهم طلعنا برشاش وعينا من الله خير وتعشينا وسمرنا وشغلنا مسجل السياره ااغنية فتى نجران يا علب ما حر شوكك وساعبنا عليها والى هالحال حتى رجعت الساعه 2 البيت وحسيت اني كثرة اكل قمت انادي على اثنين من اخواني وكلمتهم ابيهم يمشون معي وكالعاده قالوا لي والله انك فاضي ما علي منهم اهم شي مشيت لحالي وها انا ارجع المنتدى.....