جواب القعطبي عبدالله علي حسين الفرجي/على الشاعرعبدالباسط مرجان

جواب القعطبي عبدالله علي حسين
على عبد الباسط مرجان

يالله اليل شل الخط ياطير بازل=وصله لا قدالبدع مولا المهاره
شبل مرجان وده خط مكتوب عاجل=وشرح الوضع له ذي زاد هذ الشراره
بعض لصحاب فيهم كبر والكبر باطل=مايبو الحق يظهر ذي يسووستاره
يوم مالحق صحصح بعد ماكان خامل=اكتشف ذي اختفا والي تغير مساره
يوم جا العلم والخبرات ما عاد غافل=من يبا الحق ما ذلحين مكن ازاره
وعلن الحرب وتجهز بكل الوسايل=يعدم الخصم ذي هو متصف بلجباره
لاسمع.صوت ابو شعله وقصف القنابل=با يولي وبا يترك كلام العساره
ون ما فاد فيه الحرب عاده تزبل=با نخلي دماته نطش ماله عذا ره
بعد ذلحين يا طير السماء روح وسائل=وين ابو شوق ذي فرقاه عندي خساره
وسأله وش حصل في ارض اليمن عدشي حل=ذي عيال البلا يسعون يبغو نباره
منهم جارنا المؤذي وله صوب قاتل=ذي يبايسرق البترول من ارض جاره
بس والله لو كلا انساء باترمل=وادما با تغسل كل شارع وحاره
ما نخلي ارضنا يا كل فاهم وجاهل=ذا كلام الصدق والله ماهو هزاره
شف عيال اليمن ما يرحمو من بهم زل=من تعد عليهم عاش عيش المراره
احذر ابن اليمن وعرف معامن تعامل=ذي تعامل اسد ماعاش دخل مغاره
عاش في بر وتلحف بغدره ورمل=وعتلا في الجبل ياخصم وسمع هزاره
كنها لأرض من تحت العد ذي تزل زل=كن صعق السماء با يحرق الارض ناره
وويله الويل من فكر يعاديه ياويل=من على الارض با ينفوه لو وسط داره
شف توريخ هم لا تستحي مر قوقل=با يجيك اليمن اصل العرب بصداره
والمراجل خذوه بل موصيف كامل=والكرم حقهم من يوم هم في الصغاره
والوفاء طبعهم شريان لدم وصل=في البداوه وفي اهل المدن والحضاره
اين ما جيت في وديان او جنب ساحل=الوفاء في اليماني لو خرج من دياره
بعد ذلحين ياطير الزهر والخمايل=شل من كل ورده عطر دخل قواره
رش من هو يماني اصل وهله اصايل=اين ماكان في ارض العرب اوالكفاره
وخص مخصوص لا بوشوق ياطير توصل=عطره عطر جا مخصوص حسب اختياره
عطر فاخر وصل عاده في السوق نازل=رش ابوشوق به ياطير ويا صغاره
ودني دايم أخباره فقلب مشاغل=مثل ما الطير في ذالوقت ضيع مطاره
بعد ما قد تغربنامن الدار ول اهل=عيش المغترب والله ماهل حساره
يااله السماء يا عالمن بل عمايل=يا خالق انسان من نطفه تقرر قراره
سالك الجنه الموأ ولا ملك زايل=وسالك تغفر اذنوبي وسهل غفاره
وفرج الهم يا ربي مجيب المسائل =يا من اديت رزق الطير راس الوعاره
وختم القوال بل مختار مولا الفضايل=يا صلاتي عدد ما مر داره وزاره

وسلامتكم

صح لسانك سلمت يداك انت فعلن اثبت انك شاعر بمعنى الكلمة.

صح الله بدنك اخي قناص الوعول
شكرلمرورك الرائع واطرائك الجميل تقبل
خالص ودي واحترامي اخوك عبدالباسط مرجان

سلم البنان واليراع يافاضل
ودمت بكل الخير والسعادة
يرعاكم المولى

صح الله لسان الفرجي
وتسلم يا شاعرنا الكبير على
الجهد الذي تبذلة لاجلنا
ودمت في حفظ الرحمن

ياهلا وغلا بن مرجان ... وصح الله لسان البداع وراعي الجوابــ،،

ابياتـ جميله كطلة من نقلها لنا ..

شكراً لكـ وكثر الله من امثالكـ،


لك تقديري.

صح الله بدنك اخي الدهولي
الله يسلمك ويعافيك شكرالمرورك
الرائع والجميل تقبل خالص ودي وحترامي
اخوك عبدالباشط مرجان

والمهلي مايولي صح بدنك اخي ابومتعب
شكرالمرورك الرائع والجميل
انت الرائع في طلتك تقبل خالص
ودي وخترامي اخوك عبدالباسط مرجان