هذي القصيده للي يخون عشرتي ويستاهلها

ياللي زعلت إزعل ولاني مراضيـك // أشرب كدر ماي البحر كانه أرضاك

لا تحسب أني عقب صدك بداريـك // بأعز نفسي عنـك مـدراك مـدراك

أربع سنيـن وأنـا متحمـل تغليـك // راضي بتعذيبك لأجل قلـبٍ أغـلاك

وخليتنـي والـيـوم والله لأخلـيـك // وأدوس قلبـي لينـه يقـول خـلاك

قبـل تورينـي الحسايـر بأوريـك // ليمن يقـال فـلان هانـك و ورآك

كانك تحدانـي فأنـا أقبـل تحديـك // وأنسى الغرام اللي مضى وأتحـداك

ماني بقايل لـك عسـى الله يهنيـك // الله يحرمك كـل مـا كـان هنّـاك

عسى العمى ياخيـن العهـد يعميـك // فوق الغرور اللي عن الماضي أعماك

وعساك ما تسمـع قريـب يناديـك // حيثك تجاهل صوت محروم نـاداك

وعسى الشلل يعوق رجـلٍ تمشيـك // لينك تنـدم ليـه غيـرت ممشـاك

وعسى حياتك بس فرحـة لشانيـك // يلقى بها الفرصة عـدوك ويشنـاك

وعسى الليالي اللي تجيني بطاريـك // يصبح عليها الصبح ويموت طرياك

وعسى المنام وكل راحـة تجافيـك // آميـن حتـى اللـي تمنـاه يجفـاك

وعساك ما تفـرح وتكثـر بلاويـك // وأمك تشق الجيب من عظم بلـواك

وإلى مت جعلك في جهنم تصاليـك // نار الجحيم ونـار دنيـاك تصـلاك

الله يكـره فيـك حتـى دوانـيـك // غشاش خاين من من النـاس دانـاك

هـذه النهايـة روح والله يجازيـك // أمسك ويومك عنهـم الغـد يجـزاك

وتحياتي لكم

والله قوية اخوي الطاهري لحمر

مشكور على القصيدة
والى مزيد من القصائد الجميلة

صح لسان الشاعر وتسلم
على النقل ياالطاهري لحمر

صح لسان الشاعر
ابداع في الشعر اعطاك العافية

شكرا على مروركم مرسي اوي هههه