قصبدة الذيب للشاعربدر الصبيحي الجبري الخالدي

قصيدة اشتهرت
للشاعر الشاب / بدر الصبيحي الجبري الخالدي .. القاها في شاعر المليون
البارحه والجوع مس الذيـب يـوم انـه يعـوي
ـ علـى سنـام طويـق والقمـره وراه بليتـهـا
اخايلـه واقـول واعـزي لحالـك يالـقـوي
ـ اللي تنقى فـي سمـان الفطـح لا مـن جيتهـا
واللي باساميك يتقلدهـا الخـوي مـع الخـوي
ـ والعرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي
ـ والوجبـه الحيـه تعشاهـا وتـتـرك ميتـهـا
الجوع لو يدفعك للمـوت الذحـاح المستـوي
ـ حشمت نفسك عـن عظـام الحرجـه وخليتهـا
ودامك طليق(ن) ما قهـرك المعتـدي والمهتـوي
ـ وخطاك مـن دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي
ـ مـا بيـن مرحـان الشواويـه ليـا عشيتـهـا
يا موجل(ن) قلب حضري يا موجل(ن) قلب بدوي
ـ ياللـي تشيّـم خـوة الرجليـه ان خاويتـهـا
عامل خوي الذيب في عصـر الفـوات المنطـوي
ـ وقصتك فآذان العـرب واليـا طـرت لبيتهـا
نحر ذلول(ن) مـن وصايفهـا شحمهـا مرتـوي
ـ لعيـون خوتـك الفريـده والبقـا فـي صيتهـا
يا ذيـب يكوينـي قنيبـك لا توحّيتـه كـوي
ـ على غشـاش الكبـد والخطـوه عمـد رديتهـا
مدري غبى مدري ذكى مدري تسـرع فوضـوي
ـ لكن خطواتي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي
ـ وقبـل زمـان العولمـه للـنـاس وآتيكيتـهـا
وقبل يغيب المنطـق الحسـي ويبقـى المعنـوي
ـ والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلـتـوي
ـ والناس تمشـي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي
ـ والهاشميـه فـي طـرف عيـنـي ولا دنيتـهـا
لا جيث ابرثي حالتك ضـاع الكـلام اللغـوي
ـ والمفـردات اللـي تجملنـي لـيـا عديتـهـا
والهاجس اللي كل مـا فليـت حويـه ينحـوي
ـ وافكـاري اللـي تتعـب الخافـق ليـا هليتهـا
واخاف لا تكمـل وينحـاك النزيـف الدمـوي
ـ وابقى علـى قـول المثـل خميتهـا واخطيتهـا
ياذيب واقنب خل صوتـك يـدوي العالـم دوي
ـ مـادام خانتـك الظـروف الله يخـرب بيتهـا