ياهاجسي...محمد صالح المصعبي

ياهاجسي قم هات لي زين الابيات=اللي تزيح الهم لا حل طاريه
وابدا القصيدة بإسم رب السماوات=الله عظيم الشان رحمن نرجيه
يالله عسى الوسمي على القاع شنات=يسقي العرب من مزن ينبت مراعيه
يهل وبله في الخبوت الخليات=أم الوهط والمندفن ذي حواليه
والمنخلي هو والهويمل وبهجات=ونجران وحبونه مع البقع تسقيه
واسق الشروره بعد ذا القيض ذي فات=هي والوديعه والعبر لا تخليه
وحريب والوادي وبيحان بالذات=جعله مطر فوقه برد لين يرويه
ومرخة مع أره وصحرا العبيلات=والسبعتين الضاميه ترتوي فيه
ونشوف للثدا على القوز منبات=وأما حماد القاع الأزهار تزهييه
ترعا به البدوان حيل ٍ وخلفات=تسرح همل في بر عشبه يغطيه
من شافها بالعين جرّ التنهات=من بعد قيض ٍ قحطه الناس تشكيه
يرتاح راع البل وصرف الريالات=ماعاد همّ الطعم من وين ياتيه
فلا ضواه الليل سمره وضحكات=وينام في راحه ولاشي يغثيه
هذي دعاوينا ويالله عسى جات=آمين يارب ٍ سمع من يناديه

صح لساانك ومنطوقك ولا هنت ياذيبان

على الجزله

تحيااتي

تسلم يمينك على هذه الابيات الرائعه
تقبل تحياتي

المشاركة الأصلية كتبت بواسطة بن فلاح المصعبي

صح لساانك ومنطوقك ولا هنت ياذيبان

على الجزله

تحيااتي

صح الله بدانك


لاهنت

صـــح لسانــــك وأبدعت
والله يسمع منك
ويسقي الديار بغيث مدرار

صح لسانك

وسلمت يمينك

ونشوف للثـدا علـى القـوز منبـات===وأما حماد القـاع الأزهـار تزهييـه
ترعا بـه البـدوان حيـل وخلفـات====تسرح همل في بـر عشبـه يغطيـه

حقا ابـــد عـــت

صح لسانك وللامام

صح لسانك....................... والجمييع موافق على انك مجاز وتنتقل معنا الى المرحله المقبله المتقدمة

صح لسان الشاعـــر على الجزل الهادف وربي يستجيب إن شاء الله , وخلاص مناحي اجازك لشاطىء الراحــــــــه

صح لسانك شاعر على البحر الطويل

دامت ايامك مسرات .
ياخوي مالك خاطر نزور ذيك الديار بلاد حمران العيون .. بعد ذا الحروف