الى الاعزا في المنتدا والاخ الغائب الحاضر والمشرف العزيز<ابن لحول>

بسم الله الرحمن الرحيم

ياهاجسي ماشي للعذار داعي ،
هات الحروف وصيغ نظم القصيده "
باعود لغلا صرح بعد انقطاعي ،
عساه يظهر لي بحله جديده "
نترك مواضيع الفتن والصراعي ،
ونواصل اصحاب العقول الرشيده "
ذي قدرهم دايم وهو ف ارتفاعي ،
على مدى ليام عالي رصيده "
اللي غلاهم ساقني باندفاعي ،
لا منتداهم والمعزه اكيده "
وانشد على درعي وقوة ذراعي ،
عن ابن لحول راسله لابريده "
ذي للموده والاخا دوم ساعي ،
ونفروه اللي سعو للمكيده "
ياصاحبي با ناشدك باقتناعي ،
ترجع ألى صرح الاخا كي نشيده "
وانا اعرفك ياخوي فاهم وواعي ،
وان الاخا في داخلك كالعقيده "
لا يزعجك ذي للصحب ما يراعي ،
اللي معه لحقاد داخل وريده "
من طبعه الحقد آخره للضياعي ،
والناس من لحقاد وش مستفيده "
لن الصحب أمره علينا مطاعي ،
با قول لهل الحقد جمله مفيده "
من قد سعى للتفرقه م استطاعي ،
حاول سواك ولا وصل مايريده "