اذهب معك يازين ربي === اذهب ونا باعطيك قلبي

بسم الله الرحمن الرحيم

السلام عليكم ورحمة الله وبركاته

اخواني اخواتي اعضاء المنتدى حبيت ان اكتب لكم هذه القصيده اتمنى ان تنال اعجابكم

يا زين لا تحرق فوادي = كانك نويت تصد عادي
قلبي على بعدك تعوّد = والعين يهناها الرقادي
ان كنت غايب دوم اشوفك = في العين مكتمله وصوفك
لانك وسط عقلي مبرمج = فيلمٍ مشفر في فوادي
اذهب معك يازين ربي = اذهب ونا باعطيك قلبي
لكن تراء قلبي امانه = عندك ولي غاية مرادي
لجلك ابيع الناس للناس = واشري لعينك در والماس
واهديك من قلبي المحبه = يا برق لامي في بلادي
في الهند واليابان والصين = ما شفت مثلك قط يازين
وحدك نهب عقلي ولا ظن = غيرك شرب صافي ودادي
حتى ملوك الارض لجلك = تبحث تحصل شخص مثلك
لكن اسف من دون جدوى = لانك كما بصمة ليادي
الشمس لا طليت تشرق = والورد بك يازين يورق
تسقيه من نظرة عيونك = مثل المطر يسقي البوادي
والارض قد تشكي زلازل = لا من لبست الكعب نازل
تختاف من ؤطت نعالك = واستشهد الله الجمادي
في الصدر لك مليون فلّه =يامن تعداء وصف عبله
شيدت لك صدري مباني = تسكن بها رغم الاعادي
والعين عيني لك نظرها = لانك في الظلمه قمرها
ترسل من الوجنات نوره = كي لا يتيهون العبادي
ختمانها عذب فوادي = مسموح لك فارس جوادي
لانه فوادي صار ملكك = ملكك ونا في القول جادي
تحييه ولا با تميته = ما ريد انا ماقد عطيته
طبعي كذا يازين والله = قادر يحقق لي مرادي

وسلامتكم

بن فلااااااااح المصعبي