آسفين البنت محجوزه !!!!
بعد ما خلّص الجامعه ..
بداء يفكر جدياً في الزواج على أمل أن الوظيفه ما راح تطّول ...
طبعاً كلّم الوالده عشان تشوف له بنت الحلال ...
وطبعاً هي ما صدقت>>> معذوره ولدها و تبي تفرح فيه
أخذت فتره و هي تسأل و تدّور ... و في الآخر لقت العروس المناسبه
و بعد اسبوع راحت لأم البنت عشان تخطبها .... و تم الموضوع
طبعاً هي قالت لهم .. إن و لدها توه متخرج و إن تخصصه مطلوب
و ان الوظيفه أكيد راح تجي قريب ......
و لكن ......................
مرت الأيام .... و الوظيفه ما جات
و البنت " محجوزهـ " >>>> لاحظوا البنت محجوزه له
مرت شهور ... و الوظيفه للحين ما جات
و البنت " محجوزهـ "
مرت سنه ....
و البنت " محجوزهـ "
تقدم للبنت أكثر من شخص ... و كان رد الأهل
آسفين ...... البنت " محجوزهـ "
للبنات ......
- هل تقبلي بأن تكوني " محجوزهـ " لشاب يملك كل مواصفات فارس أحلامك لفتره طويله ؟
- إذا طالت المده التي و عد بها الشاب لظروف معينه .. و تقدم لخطبتك شاب آخر .. هل ستخلفين الوعد؟؟
تذكّري إنك " محجوزهـ " فقط
للشباب ........
- هل انت من مؤيدي فكرة " الحجز " ؟
- على فرض انك " حجزت " فتاة العمر .. و طالت مدة " الحجز " .. وبعد فتره
حسيت انها ما تناسبك أو شفت " شوفه " ثانيه ... هل راح تغير رأيك و تخلف الوعد ؟؟
شباب و صبايا ...
يمكن البعض يقول إن هذالشي كان يصير من زمان .. بس للأسف هو موجود للحين
حبيت أطرح الموضوع للنقاش ....
و أنا في انتظار آرائكم .......
المهاجر العريفي