دن القلم واكتب على جال قرطاس,,,,,,,

بسم الله الرحمن الرحيم

دن القلم واكتب على جال قرطاس *** واكتـــب كلام ٍ يعربي ٍ ومفهوم
يالله يارب الملا خالق الناس *** يالواحد المعبود حي ٍ وقيــــــــــــــــــوم
تشـــــفي مرض من علته تقرع الراس*** وتزيل هم ٍ داخل الصدر مكتوم
هم احتـــــــــملته واصغره كايد الباس *** في ليل مظلم صفوته جو معسوم
بعـــض البشر همه رحول ٍ وتلباس *** كــــــــــنه غدا رابع خواته من القوم
والبعض منهم مرتكي له على ساس *** هـــــــــــين ولا همه مهاتر هل اللوم
يمنع عطايا ناس من خوف الافلاس *** والبخل منهاجه , ولامـــــــنه ملزوم
ورّد على من زان طبعه من الناس *** عذب القراح الي به الطيب موسوم
واتـــــرك سفيه القوم مافيه نوماس *** جاهل بليا علـــــــــم يرخصك بالسوم
كم جـــــــــــــاهل ٍ يقرا دواوين كراس *** وكم عالم ٍ ماقد قرا حرف منظوم
نـــــــــــيل الفتى للمجد ماهو بمقياس *** ماغــــــــير حقه ياصله , رزق مقسوم
احــــــد ٍ شرب من مر الايام بالكاس *** واحد ٍ شرب كاسه وشاربه مدسوم
واحد ٍ سهر ليله بهم ٍ وهوجاس *** واحد ٍ ينام بخاطره حلم مرســــــــــــــوم
يلعب على بعض البشر كل خناس *** ملعــــــــــــــون ابو جده وبالنار مرجوم
يسوقــــــــــــه الشيطان للنار ويساس *** يفـــــــــــــتر حول الراس وسواس ويحوم
ما يجـــــــــــــتمع عقل ٍ و داخله وسواس *** لابد من رأي ٍ تبـــــــدّيه محسوم
دنيـــــــــاك هذي مثل جرات الانفاس *** تالي حياتك داخل الــــــــقبر مردوم
كم بالــــــــــبحر من باقي رفاة غطاس *** هذي حياة الناس تدفع بـهـــا رسوم
كنز الحكمة

منقوووووووول
ابو الوليد