{..كان لك قلبي مدينه"ولاحظ اني قلت(كـــــان)...

ما تغيَّر شي .. لكن !! صار فاضي هالمكـان !!
يعني إنتَ شفت قلبي ? .. طحت مِنْ عيني وعينـہ !\


كان لك قلبي مدينه ولاحظ إني قلت : [كــآن] !
يعني إنتَ الحين واحد خارج حدود [ المدينـہ ]


ليه مستغرب كلامي وليـه أعطيـك الأمـان ؟! ••
وليه تَكْذِب في كلامك ؟!! العـذر وينـك ووينـہ !!


ما ألومك كان قلبـك ثـارت أمواجـه وخـآن ••
الخطا منَّي لأني صرت فـي بحـرك سفينـہ !!


والسؤال اللَّي كتمته ومانِطَـق فيـه اللـّسـان ••
كيف إيدك إطعنتني وآنـا أحْسِبْهَـا أمينـہ ..؟


جرحي مـآ يرضيه قلبك لو يجـي كلِّـه حنـان ••
لو تبوس الجرح فيني ولـوتقبـّـلهـا إيدينـہ !!


يُوم أعزك قلت كلمه : { يكرَم المرء أو يُهـان } ••
وإنتَ قلبي ما كرمتـه وما قدرت إنِّـك تهينـہ !


[ عـزِّتـي ] ••ما هي جديده آنا شامـخ من زمـآن ••
إغسل إيـدك من رجوعي وروح يا إبن اللـّـذينـہ !!


طـآب خاطر قلبي منِّك وهـذي الفرقـى رهـان ••
وحتَّى لو قلبي يعزك قادر بفراقـك يعينـہ ...}


تدري لما قلت أعزك قلت وما عنـدي ضمـان ••
وإختياري كان خاطىء تجربه بالحيـل شينـہ


كنت تخطي وكنت أسامح مرَّه مرتين وثمـان••
أدمح الزلـه عشانـك وأكتـم أنفـاس الغبينـہ !!



في عيون الناس عآدي ،، بس في عيني جنـآن ••
وكان قلبي من يشوفك تفضحه نظـرة حنينـہ


ماني أوَّل من يحب ومنتَ آخر شخص خـان ••
المحبه في زمانك [ بحرهـآ ] من غيـر مينـا


[ الفشل ] .. كان النتيجه وأعتقـد آن الأوان ••
أبني مستقبل حياتي وأنسى قصتنـا الحزينـہ


وخطوتي الأولى "غيابـك" وراح أطبقها عشـان••
يبكي قلبك لا فقدني والندم .. يملـي سنينـہ


جاي تسأل عن مكانك ؟! هو بقى فيني مكان !!
الله يرحم هـالمشاعر اللـّي كانت لـك رهينـہ


قلت لك قلبي[ مدينه ] فيها لك حشمه وشـآن ••
لكن إنتَ ألحين أغرب شخص في هـالمدينـہ
..!