امتعبـ القلبـ قلي ويـش غلطاتـي

يامتعب القلب قلي ويـش غلطاتـي =ان كنت انا اقدر اعدلهـا بعدلهـا
لصرت تجهل عناء الدنيا وضيقاتي =من دون ماشرح لك اوضاعي تأملها
الوقت ضدي حرمني من ملذاتـي =والصد بعدك ذبح روحي وكملهـا
لا لايغرك كثير الصمت وسكاتي =خل المشاعر تقول ( الآهـ ) وإسألهـا
يسكني الحب واضح من عباراتـي =وش عاد لجلك حروفي لـو أذللها
عذبني الشوق واسرفـتـ بخيالاتـي =روح ٍ تحبك دخيلك ليه تهملها
ياليتك إشوي تشعـر فـي معاناتـي =دنياك يمكن عليك تضيـق باكملهـا
الحزن كنه سفيـري فـي علاقاتـي =والهم خيّم على حالـي وطولهـا
اغديت دربي وتاهت فيـك خطواتـي =كل المواعيد مدري ليـش تجلهـا
سنين احاول وضاعت كـل حيلاتـي =متدري اني ( حيـاة الـذّل) مقبلهـا
لجيتك أسال وادوّر فيـك ضحكاتـي =كنك تعمد بيديـك اليـوم تقتلهـا
لا تترك الظـن يلعـب باحتمالاتـي =الكلمه اللي تحزّ بخاطـرك قلهـا
تعال شفني وحـس بحـال لوعاتـي =كن الدقايق بدونـك عـام مطولهـا
متى التباشر بقدوم ( الغـلا ) تاتـي =فرحة زماني بشوفـك مـا تخيلهـا
خلاص صبري تعـدى كـل هقواتـي =اتعبت نفسي ( اعزيهـا وعللها )
ابيك تنسى وتسمح كـل ( زلاتـي) =بعض البشر صعب مانقـدر نزعلهـا
والحين جيتك ابمسح كـل غلطاتـي =دنياي دونـك وربـي ماتحملهـا

منقول

اخوكم ابو صخر المصعبي

تسلم الايادي وتسلم على الطرح يابو صخر
القصيده روووووووووووووووووووعه جدآ
ونتريا المزيد من المشاركات الحلوة كما عهدناك

تسلم يابو صخر على الابيات الجميله
صح لسان الشاعر

متى التباشر بقدوم ( الغلا ) تاتـي
فرحة زماني بشوفـك مـا تخيلهـا
................................
دوووووووم في الطليعه
وحسن الاختيار
يسعدايامك اخوي ابوصخر

اخوي بوصخر ترى للمرة الثالثة منزل نفس القصيدة وبقلمك ايش الحكاية
كنت بعد اذنك بتحفض عليها لكن قلت اكيد في نفس بوصخر شي
لغرضا في نفس يعقوب هههههههه
عموما لزمنا ان نشكرك ونقدر ابداعاتك

اخوي مافي شي
مافى موضوع :-<:-<:-<