إذا الوقفات ،،ملحمة مهدي آل حيدر في جميع القبائل

إذا الوقفات

قصيده جميله راقت لي للشاعر المبدع مهدي آل حيدر الويلي في مهرجان الجنادريه ويمتدح جميع القبايل ومن ضمنهم المصعبين

وحبيت انقلها لكم علها ان تنال اعجابكم ،،



اترككم مع القصيده //

إذا الوقفات ما رامت ثبـات الشـم يـوم تبـان
فـلا يالله تعـز وقوفنـا عنـهـا ومدهـالـه

وإذا الأقوال ما ينطق بها رجلٍ فصيـح لسـان
فأنا لو طاع شوري صمته أجزل له من أقوالـه

وإذا الأفعال ما ترقى لفعل تُعَز بـه الأوطـان
فلا أحدٍ يحسب انه بـا يطـول النجـم بأفعالـه

فلا طال النجـوم إلا رجـالٍ تقهـر العـدوان
ليا صاح الوطن في نصرته مـا خيّبـت فالـه

ألا يـا دارنـا يالنّايفـه يـا مهبـط الـقـرأن
ألا يـا منبـع المجـد التليـد ومنبـع رجالـه

تباهي بأمن وإيمان وسلام وحكـم مـا ينهـان
وشعـبٍ ثابـتٍ والعـز والنامـوس مقبـالـه

على نهج الوفاء تيقى شيمنا والوفاء لـه شـان
ولا ينقض عهود اهل الوفاء من طابت خصالـه

خُلقنا والله اللـي يخلـق الأوطـان والعربـان
رجالٍ ما حكم فينـا الدنيـع ولا انحكمنـا لـه

حكمنا اللي بحكم الله وقف يوم العـرب شتّـان
ووحّدنا بعزمه يـوم طـاب لنـا وطبنـا لـه

وحن من قبل أخو نوره فلا والله نطيـع انسـان
مليكٍ طال فينـا شـي ماحـدٍ قبـل ذا طالـه

ظهر مثل الأسد من غربته والمجـد للظفـران
وردّ الحكم له والحكـم ماهـو يجهـل ابطالـه

عسى انه في جنان الخلد ينعم وافـي الإحسـان
سمو الغيث مقبـال الحيـا واصلـه ومدهالـه

ومن بعده على ساسـه ملـوكٍ ترفـع البنيـان
سعود وفيصل وخالـد مصابيـح النقـا وآلـه

وأبو فيصل فهد تاج الفخـر للعلـم والعمـران
عسى الفردوس منزاله وفينـا تصـدق آمالـه

بعد هـذا سـلام الله لعبـدالله عـدد الأمـزان
أبو متعب ليا قال الظفـر مـن عمّـه وخالـه

سديد الراي قطاب البرايـز واضـح البرهـان
صليب الراس عشّـاق المـروّه كاسـب النّالـه

مليكٍ عند ساعات الوغى لي بان فـي الميـدان
كما سيفٍ على روع المعادي يصـدق نصالـه

دمار عداه لو مابه عـدوٍ لـه سـوا النقصـان
يهون الموت عنده ما يهون النقص فـي جالـه

أشبّه البحر لـو البحـر مثلـه وسيـع بطـان
لكن البحر لو يغضـب يثـور ويكثـر خبالـه

وأشبه البحر في الجـود وألقـى بينهـم شتّـان
اهو يعطي ولكن البحـر يعطـي ويُعطـى لـه

نمى بالعز لين أضحى لقامات الشرف عنـوان
مليـكٍ كـل معنـى للمعالـي يعنـي أفعالـه

بما يطرب له السمع وبما تسعـد بـه الأعيـان
يقابلك الذي لا أكـرم ولا بألطـف مـن قبالـه

نسبه المقدريّـه والفخـر والمجـد والسلطـان
نسب من تنسب الطـالات و النّـالات لأمثالـه

من أقوال البشر عنـه تحبـه قايـد الفرسـان
وتغليـه وتحبّـه زود يـومٍ تسمـع أقـوالـه

وفي جنبه ولي عهده وقف ليث الشرى سلطـان
عظيم وكل ماقف لـه عظيـم بسايـر احوالـه

ابو خالد ليا جات الحتـوف وكـل قاسـي لان
كما الحصن المنيع اللي يظـل الـدار بظلالـه

يطول العد و التفكير في الكايـن وفيمـا كـان
اذا جينا نعـد المنجـزات و نحسـب افضالـه

صبـاحٍ رده الله للوطـن وبنـور وجهـه زان
عسى عين الولي ترعاه فـي حلـه وترحالـه

ويا دار الوفـا قولـي لعبـدالله وش التيجـان
إذا ما هـي لابومتعـب فـدا و لميلـة عقالـه

ألا يا سيدي جينـاك شعـب يعقّـل الطمعـان
وحن للدار ما فينـا الـذي بـا يبخـل بحالـه

دفعنا للحضور الي يـدور ويرفضـه الإيمـان
ولا يرضى به الحر الكريم ويرفـض أعمالـه

علومٍ تلحق اللـي يتبعهـا الخـزي والحقـران
ويا غبن الذي يتبـع علـوم الجهـل واهبالـه

رجالٍ غرّهم حقـد الحقـود ومطمـع الخـوّان
وهم لو يدركون اش غايته ما أصطفـوا قبالـه

عسى ان اللي يندم منهم يرد لنا وحـن أخـوان
وراعي الكِبر فيهـم يالله انـك تقصـر حبالـه

وحنّا للوطـن لا زان وجـه الدهـر ولاّ شـان
ومن غره ابليس بنـا يـذوق الغبـن بأشكالـه

وإذا الحرب أكفهر قتامهـا واشتبّـت النيـران
وقفنا لأم قشعم مـا حسبنـا المـوت وأهوالـه

أقوله بإسم ربعي وايلة شاكـر ضنـا همـدان
زحازيح الرجال اللي تخطـب العـز و تنالـه

وهمدان الحدود وجمع يام وكل أهـل نجـران
هل الوادي العوج يوم القـروم تهـاب منزالـه

وبإسم آلاد مـره ممنيـن الجـار و العجمـان
وبإسم دهم بني عمي ضنا شاكر هـل الطالـه

واقوله بإسم شمر واسم شمر يفلـج الضلعـان
تحت ظلك وبمرك يا بـزي المجـد و ظلالـه

وبإسم مطير وسبيع وبإسـم قحطـان والعتبـان
هلاك الخصـم لا منـه تهيـا شـرب فنجالـه

وعن جمع الدواسر والحروب وغامد وزهـران
حشودٍ لو لمحها بوش فـي بغـداد مـا جالـه

وبإسم الخالدي والهاجـري وسليـم والشمـران
هل الوقفات في ماضي الزمان و حاضر اجياله

وبإسم الأ***ي والمحلفي والقرنـي و شهـران
جيوشٍ لو تنحـت يـم كسـرى هـدت جبالـه

واقوله عن تميم وشهر وهذيل وعرب جيـزان
رجالٍ كل جمعٍ لـه علـى الطـالات منوالـه

واقوله عن بني مالك ومن قمة جبـل بيضـان
يقوله كـل حـرٍ مـن بجيلـه محتمـي جالـه

وبالحارث وتاريخ الفخر من سالـف الازمـان
ليا من قيل شوكـة مذحـج وعزتـه واجلالـه

والأشراف وبني عمر وثقيف إن عدو الشجعان
وجمعٍ في عسير خطاه يـوم الحـرب مختالـه

بني مغيد ورجال المع ومالك في سمـاه عنـان
وعلكم مـع ربيعـه مـع رفيـده نـار قتالـه

وعن قوم عنزه صبيان وايل مرجـع الشيخـان
وجيـش الغاويـه هـم دك مبنـاه و تزلزالـه

وعن قوم الظفيري والبقـوم مخضبـة لكـوان
بجنب اللي يضد جموعهـا و جنـوب جهالـه

وبإسم الأحمري والأسمري وجهينـه الظفـران
وعزوة بن عطية والكـرب كلـن لـه اشبالـه

وبإسم رجال فيفا والسهول ممكنـت الاطعـان
وعـن قـوم العـوازم لابـةٍ للعـز ميـالـه

وعن قوم الشراري والرشيدي والزعوب تبـان
وجيـهٍ فـي مواقفهـا ولا و لصيتهـا هـالـه

وبإسم الصيعري في ربعها الخالي من الـذلان
وبإسم بلي والحوطي وراعي العز مـن شالـه

واقوله عن سحار ووادعه وجماعـه وخـولان
وحوشٍ يرتبك منها الثـرى و يثـور زلزالـه

وباسم العولقي لا جا نهار مقاضبـة الارسـان
وباسم المصعبين اهل الوفـا والعـز وانجالـه

واقوله عن مناصيرٍ غضبها يرهـب العـدوان
وهمـام النشامـا للثـقـال مـتـون شيـالـه

واقوله عن نسييـن وعوامـر للوفـا عنـوان
رجالٍ لا دعا داعي الوطن قامـت تعـزوا لـه

وعن قوم المناهيل وبنـو مهـره ابـن حيـدان
رجـالٍ لا بـدا وقـت اللـزوم تنبـه الدالـه

وعن قوم الكثيري والختام المسـك والريحـان
ضنا همدان والعز اللـذي مـا يقطـع وصالـه

أنا اذكر وادري ان به غيرهم ما ينقصون اوزان
حشودٍ في سهلهـا و الجبـل رجلـي و خيالـه

ومن غاص البحور وجابها حضرٍ مـع بـدوان
ومن شرقه لغربه للجنـوب و نجـد و شمالـه

لهم عذري ولي ولهم رجاي مـن الله الغفـران
ويحفظ من سكن وسط القلـوب وميـل عقالـه

ألا يـا دارنـا يالنّايفـه يـا مهبـط الـقـرأن
ألا يـا منبـع المجـد التليـد ومنبـع رجالـه

تباهي بأمن وإيمان وسلام وحكـم مـا ينهـان
وشعـبٍ ثابـتٍ والعـز والنامـوس مقبـالـه


وهنا تجدون القصيده بإلقاء الشاعر

إذا الوقفات ( الجزء الأول )





إذا الوقفات ( الجزء الثاني )




ونقول باسم المصعبين صح لسانكـ يا مهدي بن حيدر الوايلي وبيض الله وجهكـ

تسلم يمينك على النقل
علي الحرااام
يااهاذا الرجال انه فحل الشعر في الجزيره العربيه
صح لسانك كفيت ووفيت والنعم  والله قليله بــــــحــــق

صح لسان الشاعر وشكراً لك يا مشرفنا المميز والمصعبين لهم تاريخ عريق

قناص شبوه

الشمـــــــاخ


الف شكــــــــــر ع الرد والمرور الكريم

الله يعطيكم العاافيه ،،


احترامي وتقديري