هل تقبل بفتاة لاتنجب... هل تقبلين بشاب لاينجب؟؟؟؟

السلام عليكم ورحمة الله


يقوول الله عزوجل (المال و البنون زينةُ الحياة الدنيا)
فجميعنا نتمنى ان يرزق بأبناء..


لكن لو وجدت البنت شاب لاينجب وهو في غاية الجمال واخلاقه عالية ولكن عيبه الوحيد لاينجب
تقبلين الزواج منه؟؟

وكذلك السؤال موجه للشباب
هل تقبل الزواج بفتاة لاتنجب؟؟


واذا تزوجتم واكدت الفحوصات بأن احد الطرفين لاينجب فما هي ردة الفعل؟؟؟

هل تهون عليكم العشرة طوال السنين الذي قضيتموها مع بعض وتفترقا ؟؟
أم انك ايها ارجل تريد الزواج من امراة ثانية وبقاؤها على ذمتك ام ماذا؟؟
وانت ايتها الإمرأة ماذا ستكون ردة فعلك ؟؟ هل ستطلبين الطلاق والانفصال او تبقين صابرة محبه

ومتعاونة وتحاولين ان تنسيه همومه ؟؟





أنتظر ردودكم

اخوكم ابو صخر المصعبي

عن نفسي......

ما اظني اتزوج وحده و عندي علم انها ما تنجب. ولاكن ان قد تزوجتها و اكتشفت ذالك من بعد الزواج, اتوقع اني بابقيها عذمتي و اخذ عليها.

تحياتي

لكــــــل حــــــادث حديـــــــث

ياربي موضوع ثاني عن الزواج ...
الله لا يشغلكم..!!!!
انا اعتقد انه لكل حادث حديث، يعني، الطلاق بيعتمد على شخصيتها، الزواج بأخرى بيعتمد على علاقتنا، اني اتقبل او اني ما اتقبل هالشي بيعتمد على مقدار حبي لها..هذا الي اقدر اقوله..
ومثل ما قلت قبل! هالمواضيع تعزز قراري باني ما افكر بالزواج حاليا..

المشاركة الأصلية كتبت بواسطة uAe eVe

انا ماراح اوافق واذا عرفت بعد الزواج بطلب الطلاق

لان اذا كان العيب فيني بكل سهولة الرجل بيروح يتزوج ليش الحرمه تحرم نفسها واذا هو مكانها عادي عنده بيتزوج

والحب بتحصله منه ومن غيره عادي:)

الي افهمه من كلامج انه الحب شي مضمون يجي مع اي زواج؟
يوم فكرتي بانج بتخلينه عشان لو الرجل بيتزوج على طول، قصدج تنتقمين من الرجال كلهم و يكون هو الضحيه؟ حتى لو الرجال طيب وتحبينه؟ ليش عممتي ؟؟ مش شرط الحل بالنسبه لكل رجال بيكون الزواج من اخرى..

المشاركة الأصلية كتبت بواسطة uAe eVe

انا اعترف بالحب بعد الزواج

اي حب قبل الزواج هذا مايكون حب الا اذا تكلل بالزواج يعني مثلا حب بين عيال العم والخ ولا اقصد حب بطريقة مشبوهة
لا مب انتقام
بس هذا هوتفكير الرجال تتوقع انه بيخلي نعمه العيال عشان حرمه حتى لو بعد سنين وبعد العشره بيقول لها انا في خاطري عيال وانا احبج وانتي وانتي

ولكن بمجرد رؤية الطفل الاول ينتهي حب الزوجه الاولى

ليش الحرمه تمنع نفسها عشان الرجل

وكيف مب شرط ان يتزوج كلهم بيتزوجون واتحدى اي واحد يقول عادي اعيش بدون عيال

لا انا ما قصدت حب بدون زواج
انا اقصد كل زواج بتكون فيه علاقة حب بينهم..بعد الزواج
بعضهم ما يحبون بعض ويكملوا حياتهم
والله يا ايف اني اعرف واحد قده شيبه ذلحين وعاده صابر على حرمته ولا عنده عيال ولا شي وما تزوج عليها..هاه وش رايش؟ الناس ماهي سواء!

مساك الله بالخير اخوي ابو صخر موضوع رائع وبسم الله نبدا

لكن لو وجدت البنت شاب لاينجب وهو في غاية الجمال واخلاقه عالية ولكن عيبه الوحيد لاينجب
تقبلين الزواج منه؟؟

وكذلك السؤال موجه للشباب
هل تقبل الزواج بفتاة لاتنجب؟؟

إذا كانت في غاية الجمال راح اتزوجها واتزوج وحده ثانيه عليها تنجب

واذا تزوجتم واكدت الفحوصات بأن احد الطرفين لاينجب فما هي ردة الفعل؟؟؟

إذا كان العيب فيني والعياذ بالله راح اخيرها ان كانت تريد الطلاق ام لا ام اذا كان العيب فيها فلن اطلقها ولكن ساتزوج عليها .
خالص مودتي لك اخوي ابوصخر
شموخ

اختي ايف تقريبا مقاربه لرايي

والرجل في مجتمعنا لايتزوج على زوجته الا لان العيب منه حتى لو كان يمووووت فيها

هو حق شرعي له في الدين لا اعتراض
ولاتقولوا صار ترى اللي منه العيب اغلبهم يخبوا ومايعترفوا
واللي من المصاعبه كلهم من الرجال العيب ومعروف..واللي من حريمهم قد فوق راسهن واحده تنثر له العيال

شوفوا رايي انه اذا كان قبل الزواج عرفت انه عقيم...فالرفض اكيد لاني صعب احكم على نفسي بالاعدام

اما لو كان بيننا عشره وعمر..ماتوقع ولو متردده بصلي استخاره

وارد اقول هو حق شرعي للزوج انه يتزوج,...لكن اللي يقهر انه بينسى الاولى وصبرها ولهفتها على الطفل وينشغل بحياته الجديده

يسلمو على المشاركه كل من شاركني هناء

قريت كل الحوار بينكم واكتشفت ان هناك اجيابيات وسلبيات

الي يقول ان الحب قبل الزواج حب كاذب لا بالعكس اذا ما كان الزواج مبني على اسس وعلى حب وعاطفيه وتفاهم من الطرفين فانه زواج فاشل

واذا حصل في احد الطرفين انه لا ينجب سرعان ما ينفصلو بحجة هذا الشي


ولا كن اذا كان في حب وتفاهم قبل الزواج فسوف يتقبلو الامر بكل روح الحب الي بينهم ويصارحو بعض بوجة نظرهم كلآ للاخر

فهذا سوف يضع احدهم للتضحيه بحبهم اذا كان الرجل فان المراه سوف تضحي بنفسها وتطلب منه ان يتزوج من اجل ان يكون عنده عيال

اما اذا كان من الرجل فهو سوف يعرض عليها انه سوف يتركها من اجل لا يحرمها من زينة الحياه لا وهي العيال رغم الحب اللي بينهم فسوف يضعهم في مواقف صعيبه

لي عوده

المشاركة الأصلية كتبت بواسطة uAe eVe

انا ماراح اوافق واذا عرفت بعد الزواج بطلب الطلاق

لان اذا كان العيب فيني بكل سهولة الرجل بيروح يتزوج ليش الحرمه تحرم نفسها واذا هو مكانها عادي عنده بيتزوج

والحب بتحصله منه ومن غيره عادي:)

ابغض الحلال عند الله الطلاق..
الطلاق مش بهذي السهولة ... ومش كلمة سهلة عشان تنطقين ابها !

تراج قلتيها لو العيب فيج بيسير يتزوج .. بس مابيطلقج ... ليش دايما الحريم تفكيرهم سلبي ... ؟
لو مايعزج جان ماخلاج على ذمته صح !!



لكن من رايي انا ... لو قبل الزواج مابوافق طبعا ...!
لان انا مابتزوج الا عشان افرح بنفسي واشوف عيالي ... لكن اذا بعد الزواج ف بيكون هذا مكتوب لي .. واللي كاتبه لي الله برضى به .. ولو هو اللي ماييب عيال بصبر عليه ... ولو انا اللي ما اييب عيال بصبر عليه بعد .. ويتزوج .. ويشوف عياله .. وبصبر ... اللي تحب ريلها تحب له الخير ...
سبحان الله ... ناس دكاتره يقولون الهم انتوا مابيتييبون عيال .. بس الله يرزقهم عقب 17 او 18 سنه .. سبحان الله .. اللي يتكل على الله مايضيع ...

المشاركة الأصلية كتبت بواسطة uAe eVe

انا اعترف بالحب بعد الزواج

اي حب قبل الزواج هذا مايكون حب الا اذا تكلل بالزواج يعني مثلا حب بين عيال العم والخ ولا اقصد حب بطريقة مشبوهة
لا مب انتقام
بس هذا هوتفكير الرجال تتوقع انه بيخلي نعمه العيال عشان حرمه حتى لو بعد سنين وبعد العشره بيقول لها انا في خاطري عيال وانا احبج وانتي وانتي

ولكن بمجرد رؤية الطفل الاول ينتهي حب الزوجه الاولى

ليش الحرمه تمنع نفسها عشان الرجل

وكيف مب شرط ان يتزوج كلهم بيتزوجون واتحدى اي واحد يقول عادي اعيش بدون عيال

انا احس الحب قبل الزواج بيسهل عملية التفاهم بين الزوجين .. يعني هذا يغلط هذا يسامح ..
===
حب الزوجه الاولى ابدن ماينتهي =)
بالعكس معزة الاولى غير عن الكل ... حتى لو مايابت له عيال ... مفهومج عن الحياة الزوجيه غلط .. وتفكيرج على حسب ردج سلبي ...
وانا اقولج انا مستعده اعيش بلا عيال .. اذا عرفت بعد الزواج طبعا !! ... اذا الريال زين ويستاهل اني اتحمل عشانه بتحمل ...
الناس للناس يا حلوه ^__^


شكرا على طرحكم للموضوع ..
تقبلو تحياتي .. اختكم .. :)

سلاام عليكم << البنت متحمسه هههههه

اول شي احس الكل غلطان

اصلا البنت مارح تزوج واحد لا اذا هي تفداه بروحها وقلبها هذى الى

تحب من صج ومو عشان لاولد انا ارفضه والله اذا كنت احبه

وهو كمان يحبني مابرفضه هذا اختبار من ربي لي

اذا انتى تقولين انا احبك اموت فيك وتقوليله اذا تبي روحي اعطيك فدوة تعرفون

من هاي الخربيط هع هع يوم تعرفين انه عقيم تتخلين عنه انتى شو اهم شي عندج انج تتزوجين من

واحد سكن كيانج يعني الحب يعوض كل شي ويمكن مو كل شي يمكن بس شوي

بس انتى مارح تسوين كذاا الى اذا عرفتي انه من جد يحبج ومستحيل يتزوج عليج

اما اذا بيتزوج عليج صكي بابج ورفسيه بعد ههههههههههه

بس في ناس عندهم ضمير واحساس اذا شافج انتى رفضتي العيال

عشان انتى تحبيه مستحيل يتزوج عليج

شكر لكم لمتابعه الرد الغاوي هههههههههههه

شكر اخووي على موضوعك القيم والى يستحق الطرح