الإهداءات |
|
|
|||||||
| منتدى الشعر الشعبي (المنقوله) للقصائد المنقوله |
|
|
أدوات الموضوع | طرق مشاهدة الموضوع |
29-11-2008, 02:34 AM
|
المشاركة رقم: 1 | ||||||||||||||||||||||||||||||||||||
|
المنتدى :
منتدى الشعر الشعبي (المنقوله)
((( قصــــيدة بنت جــده ))))
قصيده متواضعه من شاعر متواضع ومبتدىء علها ان تعجب ذوقكم الرفيع اتمنى ان تحظى بقراءه كامله والله اني بديتها وان على اثر بنج عمليه فالمستشفى قبل شهور قليله حي ذكرى شط جدّه من قبل اربع عوام بالمسا والموج يعزف والبحر يرقص بـ لين والبدر زينة شبابه بالغه سن التمام والنجوم الساهريه في مرايا الما تبين ناظرت عيني تحوس وتخترق جمع الزحام كنّها دربيل قانص يحتري طيرٍ هجين اقبلت غنجا مشيْها كنّها طيرالنعام تسبي عقول ٍوراها وحولها مليون عين حوّلت وضع الاوادم من جلوس ليا قيام ماشيه والكل ثابت كنّها الطينه عجين نصفها الاول صباح ونصفها الثاني ظلام والبدر غادي بعدْها شاحب ٍ لونه حزين عينها عدوان غاشم طلقها صاروخ سام ورمشها قضبان سجن وخلفها كم من سجين والخشم مسلول بارزمرهفٍ مثل الحسام يصقل وصقله يحذّر من خطر حدٍ سنين والخدود ورود فل وسوسن وقطفة خزام وكادي وجوري ونرجس معْ بياض الياسمين وكن شفايفها جلي من فوقها مجهوم شام تكملة وضع النقاط وبصمة الوجه الحسين والجسم ابيض نعومي مثل نحتٍ من رخام وقفته وقفة مقص وفي دنوّه يستبين الصدر شمسٍ ضحيه مشرقه بين الغمام فوق بستانٍ وطلعه ناضجه باثمار تين والخصر قوس الربابه سيمفونية غرام لاضعت يدْها عليه يغردالقلب الشجين اشهد ان قنص النعامه خير من قنص الحمام واشهد ان الزين زين واشهد ان الشين شين مثلها يحتاج قنصه اولويه واهتمام ومثلها منهو بغاها يحتويها في كمين طار غرنوق الغزل من داخلي فالهام حام وحوّل بعزمه عليها يكشف القول الدفين اعترضت الدرب قاصد قلت يالغنجا سلام طالعتني في تعجب جاوبت حضرتك مين ؟ قلت انا جيتك موّلع صابني شوق وهيام مقصدي صوبك طبيعي جرّني القد الثمين قالت آثاريك منهم ماعلى مثلك ملام تزعجونا وتتعبونا فعلكم فعلٍ مشين قلت لا لاتفهميني بالغلط هذا حرام سيرتي راعي معاني ينتهج درب اليمين شوفتك صابت فؤاده واطلبك عدل احتكام ياترى بتقدريني او تري حتفي يحين قالت انته وش علامك ليه تنطق هالكلام لاتحاول ما اصدق مقصدك مقصد لعين قلت طيب ناظريني واتركي منْك الخصام لاحظي في موق عيني تعرفي اني امين وضعنا ماهوتحدي مسألة فوز انهزام لا ولا حتى احاول اجعل الصامد يلين من سبايب جاذبيتك ضعت خالفت النظام مثـْل مجنونٍ وعقله به بدال المخ طين جاوبت عندي شروطي واسمعه شرطي لزام دلّني حضرتـْك مين ودلني ديرتـْك وين قلت انا الطيبه بدمي تندمج في الاحترام وتمتزج وتصير صيغه من رموز الحاء سين صيغة الايجاب تعني طهر من عالي مقام صافي النيه نبيل و كل ما بقلبي يبين امتلكت من الشجاعه ذروة الفعل الهُمام وامتلكت من الذرابه ذروة القول الفطين ان سبق قولي فعولي ما على قولي ملام وان سبق لفعال قول فـ قولي لفعلي رهين ان غدى وقت الشدايد موقعي الاوّل امام وان غدى وقت الرخا بتشوفني هادي رزين فارس ٍ بالخيل صايل امتطي بليا لجام وشاعر ارعى المعاني واجلب القاف السمين ديرتي دار الكريم ابن الكريم ابن الكرام والدي الشيخ زايد مصدر الشمس المبين والشموس ان كان غابت ماتغيب ولوظلام مشرقه حول الاراضي كل وقت وكل حين دارنا دار المودّه والمحبّه والوئام خلف بوسلطان نمشي للاماره طايعين شعبنا شعب ٍحضاري كل اماراتي سنام نهجنا نهج الصلاح ونهج اهل علم ٍ ودين وشعبنا شعب ٍفداوي يطلب الموت الزؤام في وجه غزو العداه الجاحدين الهينيين حن عرب زايد ننام وفالحقيقه ماننام قوم لادارت رحانا نطحن الدنيا طحين قاطعتني بس تكفى مابقى لظهري حزام خارت قوايه وذابت ليتك لعمري قرين لقحّت اوصاف شخصك مرهفٍ تحت العظام وصار حبك وسط قلبي نامي ٍ مثل الجنين سجله صفرين تسعه سته وسته توام وخمسه وصفرٍ وسبعه واربعه واحد ثنين رقمي اللي ماعطيته حد من بد الانام مير وصفك يالسنافي زادني شوق وحنين وانتهت قصة بدايه مالها طاري ختام وافتخر انه ضنيني من بعد اربع سنين 3zzam |
||||||||||||||||||||||||||||||||||||
|
|||||||||||||||||||||||||||||||||||||
| مواقع النشر |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
جميع الأوقات بتوقيت GMT +4. الساعة الآن 11:52 AM.