الإهداءات



منتدى الشعر الشعبي (المنقوله) للقصائد المنقوله

 
 
أدوات الموضوع طرق مشاهدة الموضوع
Prev المشاركة السابقة   المشاركة التالية Next
قديم 03-12-2009, 02:50 PM   المشاركة رقم: 1
المعلومات
الكاتب:
اللقب:
عضو ذهبي
الرتبة:

البيانات
التسجيل: Jul 2009
العضوية: 1087
المشاركات: 1,228
بمعدل : 0.23 يوميا
معدل التقييم:
نقاط التقييم: 10

التوقيت

الإتصالات
الحالة:
لاتحزن غير متواجد حالياً
وسائل الإتصال:

المنتدى : منتدى الشعر الشعبي (المنقوله)
افتراضي ياعانسات

بسم الله الرحمن الرحيم

قصيده رائعة وجملية حبيت انقلها لكم اتمني ان تحوز على اعجابكم

والاهداء لــمحبي سعد علوش




ياسـيـدات وآنـسـات وعانـسـات
مدينتـي ملـي تـبـي تحتلـهـا ..؟

تسابقـوا سبـق المهـار الصافنـات
اللـي تطايـر فالهبـوب أقذلـهـا ..

يغريكم الشاعـر وتنسـون الصفـات
وأكثر شواعيـر الخليـج ..سفلهـا ..

من لاعشقنـي ذات يفقدنـي سمـات
عن كثـرة احبابـي كفانـي قلهـا ..

تسابـقـوا والأولات ؟ الخـاسـرات
ماعـاد أقبلهـا شلـون أقبـل لهـا..

ماعاد فـي قلبـي مكـان لذكريـات
وماعـاد فعيونـي دمـوع أهلهـا ..

أنا بقايا رجـل مـع كـوم احزيـات
تتلـه حبـال الحـزن و يتلـهـا ..

استهلكتنـي ام العـيـون الـذابـلات
اللي ماتعـرف دقهـا مـن جلهـا ..

أخرى ،، ولكن غير كـل الأخريـات
تعطش نباتـات الـدروب لطلهـا ..

اليا أقبلت كنها تخطـا مـن حصـات
وان ادبرت كن السحـاب أتشلهـا ..

الفاتنـات السـاحـرات الغانـيـات
عندي ماتسوى خصلة من خصلهـا ..

فالليل صبح ولا اصبحت عقب المبات
توخـر الشمـس وتجـي محلهـا ..

ياشيب عينـي يالوصـوف الخافيـات
بقولهـا لـو قومهـا تفطـن لهـا ..

أحبهـا حــب البـنـادم للحـيـاة
وتسيء لي وأبرهـا وأحسـن لهـا..

أنـا غريـب ومجرياتـي مجريـات
أبيها ، ، وادعي ربي يسهـل لهـا ..

أحب نفسـي كـل ماشفـت الطغـاة
تستـخـدم العـالـم وتستغلـهـا ..

يالصبر .. والأنفس شحاح ومكرمـات
تدلهـا والا أنـا الـلـي ادلـهـا ..

خذنـي مـن يدينـي بـلا مقدمـات
أنا صديق أقسى الـدروب وخلهـا ..

أنـا جهـه بلحالهـا غيـر الجهـات
تكسرني الدنيـا وأنـا اعـدل لهـا ..

أنا اكثـر إنسـان ايخلـق مبـررات
ياكـم علاقـه تنطـوي ،،وأفلهـا ..

حليت فالإنسـان وااااجـد معضـلات
اللئم حاجـه مـا عرفـت أحلهـا ..

بااصادق الحيـوان وامشـي فالنبـات
ولا بشـر تنـذل لـلـي يذلـهـا ..

الناس في عصر الأسـف والإنفـلات
ماعاد بـه زلـه ماهيـب تزلهـا ..

ماعـاد تفـرق فالحقـوق و فالهبـات
تعمل معاها تحسبـك تعمـل لهـا ..

الشارع المليـان غـش و معطيـات
أن مـا تسامـى بالقلـوب يعلهـا ..

ملغي الرمادي من ظـروف الكائنـات
ما عنده الا اسوأ لها .. وأفضل لهـا..

يالثائـر اللـي منجياتـك مهلـكـات
مابه سيوف اصلا" عشـان تسلهـا..

مادام صار البحر قسمـه واعطيـات
أغـرف بيـدك مايعـادل بلـهـا ..

مابه ثبات الا على انقـاض الشتـات
والاحلام لذتهـا قبـل توصـل لهـا..

واجمل من الاحساس من بعد الصـلاة
احساسك اللي قـال قبلـه صلهـا ..

صداقتك مـع شعـورك .. عـز ذات
وخصومتك مع الحثـال .. تجلهـا ..

يامنقض جروح الخفـوق المرمسـات
رااااااااااااحت حياتك ، ،قلها في قلهـا

جعلك فدا اللي عاش ربح ،، ويوم مات
خسارتـه علـى القبيلـه كلـهـا ..

والا أنت لو تركب مع بـاص البنـات
مــادورن عبيـهـا و شيلـهـا ..

عن الكلام الشيـن يازيـن السكـات
نـاس ماتوصـل مستواهـا خلهـا ..

تعـلـم ان الله خلقـنـا طـبـقـات
والنـاس تعلـو لاتناقـص غلـهـا..

فاليا جلست فمجلسـك مـع الخـوات
خل الرجـال اللـي يظلـل ظلهـا..

خلو سوالفكم عـن آخـر الأغنيـات
و هذا بغى هـاذي و هـذي ملهـا..

المجـد لـو إنـه يجـي بالأمنيـات
سادوا على اعزاز الرجـال أذلهـا ..




للمبدع

سعد علوش


.
.
.
.
.
.












توقيع :

نقره لعرض الصورة في صفحة مستقلة


 
عرض البوم صور لاتحزن  
 

مواقع النشر


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

قوانين وشروط المنتدى
الانتقال السريع إلى


جميع الأوقات بتوقيت GMT +4. الساعة الآن 02:36 PM.


المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين