اطعن بقلبي وكثّر بالطعون = والله ان طعناتك لقلبي حلال

السلام عليكم صبحكم الله بالخير / مسااااااكم الله بالخير
أتمنى انها تعجبكم

اطعن بقلبي وكثّر بالطعون = اطعن بقلبي وروّح لا تسال


اطعن وروّح على قلبي تمون = والله ان طعناتك لقلبي حلال


عقب طعناته يبي يرسل مزون = تغسل جروحي بمويته الزلال

خابر(ن) قلبي عليهم مايهون = بيعتذر لي عن عنا همّ الليال


ياللي عن حبي وحبه تجهلون = حبنا متعدي حدود الخيال


حبه يوصلني لحد الجنون = والله ان حبه يوصلني الهبال

ماذبحني غير رمشه والعيون = ترسل لقلبي من انواع النبال

العيون اللي تصيب من الجفون = أعلنت أشد أنواع القتال


يالحمام اللي سجع فوق الغصون = لاتذكّر قلبي بجرح(ن) عضال


ما ألومك يوم تسجع باللحون = انتهى حزني وحزنك لايزال


حملي اللي شلته من فوق المتون = ماتشيله والله لو أعتى الجبال


ارفق بحالي ترفق يافتون = حالتي عقبك ترى والله حال


خابر(ن) قلبك كبير(ن) يالحنون = كل مايجنب يعوّد لي شمال


اطعن بقلبي وكثّر بالطعون = والله ان طعناتك لقلبي حلال

منقول

اخوكم ابو صخر المصعبي

ياسلام........
يعطيك العافيه أخوي بوصخر...

تسلم على المرور اخوي

الله يعيطك العافيه وعساك على القوه

سلاااااااامة قلبك من الطعوووون

ويعطيك العافيه ع القصيدةالجميله
احسنت -الاختيار أبوصخر

اي والله سلامة قلب بوصخر
مايستاهل لكن قال منقولة
جميل ورائع وذاق في طرحك اخوي بو صخر