هذي قصيدة الحيله للشاعر المصعبي سعود

الـــحـــيـــلـــه

تحايل قلبك لقلبي ومدمد له كفوفه مد
نوى يرسي على ميناء قلبٍ قبله أحتلوه

تشاكيني جروحك حيل وكني للجروح الضد
تهقويتي حنايا القلب تنطق يا ملا حيّووه

تظنيني أنا الترياق لجروحك وأنا المنهد
تبين تعوضي قليبك دفا من كانوا يحبوه

تقولي لي مصابة غدر مع طعنات ما تنرد
تظنين الهوى عندي جسد ما قد أبد حكّوه

وأنا اللي حط وسط النار صبعه وأنكوى بالجلد
إلين ضلوعي اليسرى تزايد كمشها م الأوه

إلين الدمع يا اللي في عيوني هاج وتمرّد
غزى خدي على غفله وتاه الدمع فيني توه

ألا يا مدوِّر الحيله لجل تدخل بقلب إنهد
قليبي هدِّته طعون الحبايب قبلك وهدّوه

وانا ذقت الخيانه من بعد حبٍ علا وأشتد
وقلبي لا طريت الحب تنطق دمعته خلّوه

على وجهه ملامح ذاك لي مطعون وسط الكبد
مثل منهو رعى قومه وفجأه قاموا أغتالوه

فرش أغلى شرايينه لجل خلٍ عشقه بجد
بناله بالحشى قصرٍ أهل فرعون ما بنّوه

غرسته في شراييني معا عروقي بليا حد
إلينه وثّق جذوره وسمم قلب من حبّوه

حكاية حب له بنّيت وسيرة عشق ما توجد
غرام أتعتق بقلبي وفاح بغدر من شبّوه

لجلها عفت لا صد لعذارى مترفات الخد
مليكات الجمال اللي يكهرب كل من شافوه

قطعت أحبال طلتهن وطلتهن تهد الند
لجلها صنت انا قلبي وقلبي ناح ما صانوه

غَزَنّي من نوى الشيطان يفتني بهن وأرتد
إلـــينه ابتلى فيهن وهام بحبهن مكروه

لجلها بس خلقت اليأس فيهن وأنتكرت الود
وجازتني بطعون الغدر لي كل الهوى كوّوه

طعني طعنت الجساس وسهمه بالظهر سدّد
ظننته لي إبن سينا وريته القاتل المشروه

إلين إني نتلته نتل شروى فض ما اتوتد
ترك آثار في قلبي تفوح بغدر من خانوه

وصرت الخاطر المكسور ذاك اللي أنطعن وأنهد
وودك إني أتلقى طعونٍ فوق ماسووه

كفايه يكفي ما جاني دخيلك روح لا تعوّد
كفاني ماحصل من بير حبٍ دلونا تلّوه

تحايل قلبك لقلبي ومدمد له كفوفه مد
نوى يرسي على ميناء قلبٍ قبله أحتلوه
_____
__
_
-
-
تحياتي
قناص شبوه