موضوع يستحق النقاش وهل صادفتكم هذه القصه؟؟؟؟؟؟؟؟؟

السلام عليكم ورحمة الله وبركاته..

حبيت اطرح
عليكم موضوع حساس نوعا ما واكييييد الكثير منكم عانى منه!!!

الا وهو ...

انه غالبا في حياتنا نشوف انه الغريب فيه خير أكثر من القريب لك والي لحمه ودمه منك وفيك..؟؟

يعني تشوف الي من أهلك يروح يساعد الغريب بدون اي تذمر لكن ان قمت وطلبت منه مساعده تعذر وقال ماعندي فرصة او ماقدر او من هالاعذار الي اقبح من الذنب

وان صادفت شخص غريب في حياتك وتكلمت معاه شوي بعض الاحيان يدش قلبك وتكون معاه صداقة ويروح و يعرض خدماته بدون مقابل او بدون اي مصلحة تذكر وتروح وتقول بين نفسك (( صج الغريب فيه خير اكثر من القريب )) ...

هل صادكم هالموقف؟؟
شنو تحسون لما يتخاذل القريب عن مساعدتك بينما يمد يد العون لك الغريب الي مايعرفك؟؟؟
وليش هالشي منتشر بين الناس !!؟؟ ألم يسمعون الحديث الشريف (( الأقربون أولى بالمعروف )) ؟؟؟!!!


حبيت اشوف رايكم في هالموضوع


ولكم جزيل الشكر

اممم هالشي ينتشر بسبب الناس وطباعهم المختلفه والاسباب اللي خلتهم كذا

اساعد قريبي اذامساعدته على وجه حق ومافيها تعطيل لحد ولا اخلال لقانون

واما الغريب حسب علاقتي فيه اذا عن معرفه سابقه كزماله او جيره بساعده اذا طلب منى حاله حال القريب

لكن بعض الناس يعانون من بعض الاقرباء...الذين يرون ان بحكم القرابه انت ملزوم بخدمتهم كلما ارادوا بغض النظر عن وقتك وتعبك ولايتوقفون بل الاسوء منهم ان تعذرت بظرف غضب وقال انت انسان مافيك خير لاهلك وتناسى ماكان

فلجأ البعض ممن واجه هذه المشاكل او شاهدها بعينه ان يضع بض الحدود وان لايفزع لقريبه الا لضرورة
ومنهم من لايعترف بالقرابه الا وقت المناسبات....وان لجأت له لضروره قصوى وبيده حقاً المساعده اعطاك ظهره..فهو لايريد ان يفتح على نفسه باب.

واما الغريب فرب اخ لم تلده لك امك...سبحان الله تجد موده ورحمه لهذاالانسان كانه من لحمك دمك وتجده اكثر من يفهمك وتلقائياً دون وجود روابط الدم تجد نفسك مستعداً للتضحيه من اجله ويكون هذا حاله معك ايضاً

طبعاً لا اعمم الكلام لكن كما قلت واجهتنا هذه المشكله او وجدنا غيرنا يواجهها فكانت هذه وجهة نظري للموضوع


وشكرا اخوي على الموضوع

هلا اخي لحمر تسلم ع طرح هاي االفكره التي تراود المجتمع في وقتنا الحالي
انا من وجة نظري ربما الغريب يقف معك اكثر من قريبك وكذالك ربما القريب يساعد الغير ولا يساعدك كلها هالساليب ترواد الكثير منا

هل صادكم هالموقف؟؟
بالنسبه الي الى حد الان الحمدلله اقرباي وافيين وما منهم قصور الله يطول بعمارهم
وكذالك عندي ربع اغراب بالصراحه اشوفهم في مقام الاخوان واكثر
مايقصرون كذالك


شنو تحسون لما يتخاذل القريب عن مساعدتك بينما يمد يد العون لك الغريب الي مايعرفك؟؟؟
بالصراحه قد تحصل كم من غريب وقف مع شخص تخلو عنه اقرابيه

عند ذالك تحس ان اقربايك يكونو معك فقط اذا انت مرتاح اما اذا احتجتهم مالقيت احد يقف بجانبك
وعند ذالك تجد الغريب من يقف معك في محنتك بنفسه وماله وكل شي
تحس بالياس وتندم ع الايام الي عشتها معهم وتحاول انك تدفنهم مع الماضي
وكما قال الشاعر المرحوم ناجي المصعبي
عند العوافي ما اكثر اصحابي معي في كل بيت
وان قد بلينا ساعت الزات ما واحد لقيت
من جيت عنده قال شفني محانق ليش جيت
لا عاد تقربني ولا نا صاحبك شفني ابتريت
وقال
والله ثم والله ماترك صاحبي لاقد عنيت
لو بايسوني في الثيم الشرف والله ما شكيت

وليش هالشي منتشر بين الناس !!؟؟ ألم يسمعون الحديث الشريف (( الأقربون أولى بالمعروف )) ؟؟؟!!!

الجهلهم ونظرهم للقريب بنظره يقول اذا انا ساعدة هذا البقيه بايجو يريدو مني اساعدهم فيقول في نفسه الجماله في الغريب غنامه

وكما قيل ابعد من حبيبك يحبك


وهذا وتحياتي الصاحب الموضوع

اخوك ابو صخر المصعبي

شكرا ع المرور ابوصخر وعقد الؤلؤ

وانا كثر مالي من الناس خلان اللي صفوا لي بالشدايد قلايل
مرات ربك يرزقك خوة انسان واحد ويسوى في عيونك قبايل
البيت ملطوش من حامد زيد وانا سبق ورديت على مثل هالموضوع لاخوي عيلان ولكن نرد معك شوي

هل صادكم هالموقف؟؟

الحمد لله ما صادفته .وإن شاء الله ما اصادفه

شنو تحسون لما يتخاذل القريب عن مساعدتك بينما يمد يد العون لك الغريب الي مايعرفك؟؟؟

والله على حسب اذا كانت مساعدته لي راح تجلب له اضرار في علمه انا عن نفسي راح ارفض انه يخدمني لاني ما ابي اي شي يلحقه مني اما اذا مساعدته لي ما فيها اي اشكاليه بصراحه راح اخذ في خاطري منه بس من ناحية الغريب صدقني يا خوي اني راح اسوي معه نفس الشي ما ابي اي ضرر يلحقه مني حتى لو هو اصر على المساعده وزي ما قالوا رب اخ كريم لك لم تلده امك .

وليش هالشي منتشر بين الناس !!؟؟

سنة الحياه .
خالص مودتي لك اخوي الطاهري لحمر
شموخ