كيف تنقلب السيات الى حسنات؟؟؟؟

السلام عليكم ورحمة الله وبركاته ،
تمهــيـــــد :
مبارك العطلة ، وأنا خايف من هالعطلة بصراحة لأن الشباب طلاب الثانوية أو اللي بأعمارهم عندهم مباراة نصر × هلال وخايف تكون فوز فريقهم المفضل + فراغ إجازة ، بتصير تفحيط وأخشى ما نخشاه نصلي على جنازة أو جنازتين يوم الخميس الظهر بجامع الراجحي لواحد كان أمس بالمدرج بسبة تفحيط !!
نعم أنا أعرف إن الأعمار بيد الله ، لكن نفعل الأسباب يعني لو فحط أحدنا وتسبب بحادث لأناس آخرين ، تراها مباراة ما تستاهل ، واللي ما يفوز بهالكأس يفوز باللي بعده ، بطولاتنا مخربطة لكنها مدروسة جاية ورى بعض اللي يخسر بهذي يفوز بالثانية

انطـلاقـة :
تعـالوا للموضوع الأصلي ، [ للمعلومية ، ضربت المثل بياسر والحقيقة أنها لكل اللاعبين ومن كل المدرجات ، ولكن قضية ياسر هي الأكثر تداولاً ، حتى أن أغلب مواطني الخليج سمعوا بها ]
مرة من المرات وكانت المباراة حماس في الموسم الماضي كانت مباراة بين الهلال والـ ... !
صرخ أحد المشجعين قائلاً [ ياسر وينــه ؟ ، فردد من حوله من أصدقاءه أو رابطته (بالاستراحة) ] ، وكرروها كثيراً ، وهمهم أن يثنون ذلك النجم السعودي عن مواصلة طريق نجوميته لأنه في نادي منـافـس . !
بدأ كل من في الملعب وبصوت رجل واحد ، يرددون ( ياسر وينـه ، بالاستراحة ) !
وانتقلت إلى مدرجات جماهير الأندية الأخرى ، وصارت تتكرر في كل مباراة لموسم كامل ونصف بمختلف بطولاته ، بل أنها انتقلت إلى خارج الحدود فسمعناها في بعض دول الخليج ووصلت دول آسيوية أبعد من الخليج بكثير .
بحسبة بسيطة دعونا نحسب كم من السيئات يجنيها ( أول من اخترع الأهزوجة ) ، في مباريات الهلال بالدوري السعودي عندما يقابل الأندية ذات الجماهيرية يكون عدد الجمهور المنافس على الأقل 10.000 عشرة آلاف مشجع ، والهلال لعب معهم في الموسم والنصف 10 مباريات تقريباً يعني (100.000) مشجع [ دعوني أقول كلهم رددها ، لأن الجماهير أكثر من هذا الرقم ولكن سنكتفي بهؤلاء على أنهم رددوها ].
هذه الآن 100.000 حسنة وصلت إلى رصيد ياسر كاش ، وهذا مالم تستطع الجماهير الهلالية أن تقدمه لنجمها . فيبدو أن محبة النجم تعدت المدرج الأزرق ، فالهلاليون لا يعطونه سوى دفعات معنوية بأهازيجهم .
طيب احسبوا معي ، 100.000 جمهور + من رددها من خارج الملاعب السعودية + الأطفال وصغار السن ممن يرددونها كثيراً + المنتديات + ...... هلم جرا .. يعني أكاد أجزم أنها استخدمت أكثر من 10 ملايين مرة وجميعها تحولت إلى حسنات تضخ في رصيده .
طيب ، كم من السيئات تحسب على ذلك المشجع ؟
10 ملايين ؟؟ يااااااااااااهي كثيرة ، تهدم جبل أحد من الحسنات؟ طيب هل دبر نفسه بصدقة جارية وإلا بنى مسجد يقدر يغطي تكاليف السيئات اللي أخذت منه ؟؟
يا ناس القضية مو مزح ولا لعب الدعوة فيها جنة ونار مو كأس ودرع ؟؟ جنة وناااااااااااااااار .
يا ناس الموت يجي بلحظة ، وأنا أقسم بالله العلي العظيم إني حسيت بالموت قبل 6 ساعات وأنا نايم حسيت أنفاسي توقفت وشفت الموت ، بس الحمدلله كان عدم انتظام بضربات قلب بسبب طريقتي بالنوم على الجهة اليسرى ، لكن يا ناس الدعوة مهب مزح !
تتكلمون على البلطان وفيصل بن تركي تقولون تصاريحهم تصايح أطفال بليستيشن واللي يقول جمهور عددهم عشرة وخلافه ..أنا أقول إنها شيء ويازينها وأقدر أسميها روح رياضية إذا قارنتها بجانب صرخات الاستهجان ، يا أخي شجع فريقك ترى تثبيط الخصم ما يسوي ربع اللي يسويه دعم فريقك ، تذكرون آه يا حمزة كانت ترج قلوب مهب بس مدرجات ترج الخصم رج .. والمدرجات ونقصر على صوت التلفزيون إذا أسكت المعلق يسمع الأهازيج تطلع قوية ..
ما فيها إن شاء الله ذنوب .. تكفووووووون يا عيال ، ترى مو بس على ياسر ، نفس القضية كل الناس لا أحد يقذفهم بشيء خصوصاً في مجال كالرياضة فيه إمكانية تتحمل أوزار ناس ثانية .

لكل من يعرف المشجع :
يتصل على ياسر ويتحلل منه ، وإلا يتواصل مع إدارة النادي برسالة يبلغونها أبو عبدالعزيز ، وإلا يتوب ويعلن توبته بمكان مشهور مثل الجرايد والمنتديات علشان يبرأ لله من الكلام هذا ، طبعاً كل واحد من الجمهور مسؤول عن نفسه لكن اللي طلعها غير ، أنا هامني اللي طلعها أكثر من اللي يرددونها ، اللي يرددونها ذنبهم على جنبهم بعد مايقرون المقال لكن تكفووون هذا أمر بالمعروف أنا ما أخاطب جمهور أنا أخاطب اللي طلعها بس..! ترى 10 ملايين سيئة ما يتحملها ولا الرسل ؟ يتبرون من الشفاعة يوم القيامة على معصية أو معصيتين مو على 10 ملايين ؟ وحنا مين بجنب الرسل ؟
لا أبوها كورة إذا وراها نار ؟ تكفى طلبتك طلبة من القلب اعتذر وتبرأ من كل واحد يرددها

منقول من منتدياات كوره سعوديه