جديد الشعر الشعبي

قصيده من كلمات الشاعر الشاب نبيل حسين الخالدي مرسله للشاعر الكبير احمد محمد الصنبحي ابوصقر 13/10/2007م الخادي عادك مكانك ياثمر=لومالت الشُمّخ مكانك ماتميل باقي على عهدك وساسك ذي ثبت=عالي ومتعلي ومعيارك ثقيل من حقي استنكر وبشجب ماحصل=واشوف رأي الصنبحي لانه اصيل قتلي وجرحي في الجنوب الباسله=كأنّا في الضفه وغزه والخليل قوات تهجم ع المواطن والوطن=كم صوبوا جرحي وكم راحوا قتيل والافضل ان الجيش يحرس ع الوطن=يحمي حدود المنطقه والارخبيل هل بالشرعيه حللت قتل البري=او القبائل تقبل الفعل الهزيل او الديمقراطيه حلّت قتلنا=لان الدما والقتل هو نار الفتيل مهما يطول الوقت او مهما قصر=من ينكرك يالحق والله مستحيل والحق ماشي به حنق يالصنبحي=الحق ماحد ينكره الا الرذيل من شل حق الناس لازم يرجعه=والقبيله من كال يا احمد يستكيل ولا قد التاريخ شاهد بيننا=والله مانقبل بمستعمر دخيل وصاحب الارضيه من باينصفه=مردم جهنّم عاده آيشعل شعيل مادام والفيده مع خمسه نفر=بايضحكوا ع الناس جيلاً بعد جيل هذه وثائقنا وهذه ارضنا=وذا المخطط ذي معمد والدليل من حُر مالي خذتها لابني ولي=والقاضي اختم والمحافظ والوكيل ختومنا من بعد سبعه كلها=وجنبها سبعه مضافه بالقبيل وقضاة صنعاء ختموها عندنا=وهم يقولوا ذه به حيله وحيل حتى ولا اشكال الختوم اتغيره=كلاً بيعرف من عدوه والزميل قهري على ختم المكاتب لوله=ماختم ذه الايام شوفه مستطيل من يستلم ارضه تعب باسلوبهم=بيقولوا ادفع غيّر الطبع البخيل واميال معدوده بتصرف كلها=من دون قيمه ملكيه لاهل السبيل وصاروا المُلاك ذي خارج عدن=وفوقها قسمه من الشيخ الدويل شلوا الاراضي في عدن وابين ولحج=وبالمكلا شلوا اثمار النخيل ذي عقلهم ناقص جشعهم قد كبر=وفكروا شعب اليمن جاهل ذليل لوملكية منزل تبدل في عدن=قصور صنعاء والفُلل شفها البديل ما بدئه الباطل على الباطل بداء=ويش اعذر الجاحد عقابه والصميل لوكان عند الناس كانت داميه=من جبهته والرأس دمه بايسيل بالله رد القول يبن الصنبحي=لو شي دواء للجرح والقلب العليل والخالدي شائف على رأسي شُقر=وانته واهلك مالكم عندي مثيل لاتحسب ان الامر يافع والجنوب=ولا ارض حمره وارض حاشد او بكيل وانما ذا الحق ضد الباطلي=حتى ولاهو مُر ولا زنجبيل والختم صلوا ع الرسول الهاشمي=على محمد صاحب الوجه الفضيل جواب الشاعر الكبير ابوصقر احمد محمد الصنبحي الحمري على الشاعر نبيل حسين الخالدي يقول ابوصقر اطلقوا يا اصحابنا=عشرين طلقه من مدافعنا الثقيل ترحيب بالضيف العزيز الخالدي=نبيل رقم اثنين من منسب مهيل شايف محمد رقم واحد عندنا=فعله وكلماته ودمه من فصيل شاعر ومتزمل من الحجم الكبير=الله يرحم صاحب القرن الجليل بعده كرهت الشعر كامل والهجا=لكن برقم اثنين بقزلها قزيل حتى على صيت الكبير الخالدي=بولوزه المرحوم بارد الجميل اهلا وسهلا بالبديل المحتمل=مرحب على شالي وكوتي والفنيل البيت متعود على اكرام الضيوف=واصحاب حمره من كرمهم يانهيل باجاوبه بالمر باخلص عسل=من حيث ماكال القبيلي بانكيل حتى ولوهو خاطب السيد ثمر=خطاب واضح مابغا ظهره يميل تقول مامثله جبل بارض اليمن=شاهق ومتربع من القطع الطويل ظلم نُقم لنصب وعيبان الجبل=واخجل كنن واريام بالضل الضليل همّش صبر لزور وحيفان العسر=تهميش من منظور شاعرنا الغليل معروف قصده بالحقيقه والهدف=يريد يحتل القمم واحنا غفيل من واقعه حدد مقامه في ثمر=مايدري ان قد عاد لي مهرا وقيل معي لسحر الخالدي مايبطله=مسحوق من دمع السُمر والرندبيل ماشجب واستنكار مامنه ضرر=يشجب بدون افراط زايد اوطبيل الذنب به توبه اذا بان السبب=يشجب وانا بشجب معه نصف المقيل القتل والتنكيل ماحد يقبله=بانحاء اليمن كله ولكن ما القبيل في حالة اصرار المواطن ع الغلط=ضد الحكومه ماهو الحل الكفيل هل تذعن الدوله وتوقف عاجزه=امام متعجرف ومتحدي هبيل ام تردعه انذار للي يدفعه=للتُهلكه فكّر معي وامعن قليل لما يبان الحق لك من مصدره=واحكم بنفسك هو محرض او عميل خاف ان حد حاقد دفع به واستقل=حقده على الوحده ولاشعال الفتيل الا اذا شي مايبرر حجتك=من المصوّب والمهاجم والقتيل لكن ماتملك مُبرر للخلاف=كامل بمافيه التقطّع بالنقيل انهو تعبث بالمواطن فالعبث=مرفوض باعراف القبايل يانبيل جمله وتفصيل العمل هذا مُدان=-بالعُرف والقانون من سبب يزيل الشرع ماحلل لحد قتل البري=الا بتُهمه دامغه فيها دليل من يعفي الجاني من المجني عليه=بالكذب والتضليل بيضل الضليل الجيش مابايدفعه الا سبب=اما تجاوز او عمل به قمبليل ونهو المواطن يانبيل المعتدي=ذنبه على جنبه ويكفي من هجيل هذا التذمر والحنق والبلبله=يوحي لنا ان اليافعي قلبه عليل ساعه تطالب بالعداله والحقوق=وسع تطالب بالتحرر والرحيل واحنا وياكم كلنا من عايله=والعائله بأمر المصرّف والمعيل ماحد هظم حق بالحقوق الواجبه=ابشر بحقك مثلما باشل شيل في مطلبك الاول قوي مابنكرك=والمطلب الثاني طلبت المستحيل من ارض من نرحل املكم بايخيب=من ارضنا نرحل شف المطلب ثقيل حرام مانرحل وباقي جمجمه=ولانوليكم ولا بانستقيل ذه لسطوانه بس من ردادها=بل قفلوها لاهنا مابانطيل العام صفقتوا لجيش الشرعيه=واليوم سميتوه مستعمر دخيل هذا التناقض بالمواقف يانبيل=دليل نابع من نحبكم والعويل حُب المصالح والمناصب والرُتب=خلاك تجحد بي وبالعيش الفضيل تلعب على المكشوف لعبه خاسره=لاتنتهي بك بالمحاكم والسحيل شيطان يضحك لك وشيطان اغلطك=وانته تخبط بينهم مثل الخبيل ابعد عن الوسواس وابليس اللعين=واكثر لوحدتنا من الشكر الجزيل ذا الجانب استوفاء ردوده كامله=والجانب الثاني بغا مني نفيل لابد من تحليل شامل ينصفك=من مشكلة نار الاراضي والكليل من صاحب الارضيه من تعني ومن=مردم جهنّم ذي بيشعلها شعيل باتشعله موجب كلامك ضد من=حدد ملف نعمل لتعطيله كميل مابايشلوا ارضنا خمسه نفر=كما تقوله من صلبنا والحبيل وان حد بغى الدنيا يخذها بالقصيب=بانهدم المنزل على رأس النزيل لما يعيدوا كلما استولوا عليه=والشمع يرجع للمعسل والعسيل فيما صدق من ذا التهم بانضمنك=بلحق من المسئول ولامن جعيل حدد مواقعها وانا بسرح معك=وبانعمرها ببوصيه وميل ما للقضيب الا الشداني يكسره=ويدحره منه بشمله والشليل من بعدما نعرض زهور الورد له=بانرغمه يقصل لنا ورده قصيل ان كنت متأكد من الدعوى صحيح=باندعمك يالخالدي باربع فصيل في الاوله عبر المحاكم والقضاء=والثانيه عبر المروه والجميل والثالثه باندعي العارف علي=ومن سرف فالقبيله تردع عقيل والرابعه انا وانت بانسرح لها=بإهل البنادق والمقاول والصميل ماشي معي لك غير ذولا الي معي=قدمت لك والخلّ في حُضن الخليل مالرجم في الغيب انتبه مانا معك=وانا مع الدغل المبطن والدغيل بعض الحُجج واهي وحُجّه واهيه=نشغل بها انفسنا وهي قيله وقيل ماهو مسجّل بالواثائق ملك لك=ابشر برأس المال ولا بالبديل الشرع والقانون والحجه معك=مادام في يدك سند رسمي وبيل لكن على الباقين من ذي وكّلك=عن لحج وابين والمكلا والمسيل ايش ادخلك فيهم ومن ذي يعذلك=في ارضهم وأرضك على وادي وغيل هذا التعاطف له هدف من جانبك=واضح وانا ضدّه ولو مالي مثيل الحق باقوله ولانا منشغل=رزقي على الله خير من طعن الشويل برمي رصاصي ولظئ متوقفه=يلي بترموا صيد بالعابر جفيل ذكر النبي مرخي وهملل ماطره=وامسى سيوله في مهاذرها تسيل

شكرا فتئ بيحان على النقل

وصح لسان الشاعرين....

شايف محمد رقم واحد عندنا=فعله وكلماته ودمه من فصيل

شاعر ومتزمل من الحجم الكبير=الله يرحم صاحب القرن الجليل

بعده كرهت الشعر كامل والهجا=لكن برقم اثنين بقزلها قزيل




وين شعر ابو لوزة الله يرحمه فرق بين السماء والارض

ونعم يا الصنبحي
مشكور فتى بيحان على النقل

ونعم باالصمبحي صح لسانه ماقصر جوب جواب شافي ووافي
سلمة يمينك فتى بيحان اختيار موفق
تقبل مروري