في داخلي شي.. عن الناس مستور

في داخلي شي.. عن الناس مستور
حرك سكون القلب .. والقلب لباه


شي ٍ غريب من اغرب انواع الشعور
عجزت ادور وش هو سره ومعناه


مدري غلا .. ولا حزن .. ولا سرور
مدري بداية فرح .. ولا معاناه !


لي صاحب ٍ في طلته يشرق النور
ولاغاب عني .. غيب النور وياه


من يوم شفته والحشا فيه مبهور
حلو الوصايف كل شين يتعداه


لا مر طيفه يرقص القلب مسرور
و يتبع سروره رغبة ٍ في ملاقاه


معذور قلبي لو تمناه معذور
الطيب كله ساكن ٍ في محياه


عن غيبته اصبحت ماني بمقدور
نار الوله تشتعل بي بعـد فرقاه


قلبي فبعاده حاير ٍ حيل مكسور
يالله ترسي مركبي صوب مرساه


وافي و اسمه دوم بالخير مذكور
عسى السعاده ماتفارق شفاياه

الجوهرهــ

عسا السعادة دووم رفيقتج

ابيات روعه واختيار من ذوق راقي

ما شـــــــــــــــــــــــــــــــــــــــــــاء الله

ابداع الله يحيي ابداعاتج

لي صاحب ٍ في طلته يشرق النور
ولاغاب عني .. غيب النور وياه

كلمات رائعة جوهرة على الذوق

كم اسعدني كلامكم وتواجدكم بصفحتي
ودمتم بود

لي صاحب ٍ في طلته يشرق النور
ولاغاب عني .. غيب النور وياه-
------------------------------

كلمات معبره وجميله
كاواضعها

تسلم الايادي

الجمال مرورك لي يسلموو
ودمتم بود

يتهنا الي واخذ قلبك
وعسي اللة ينهي الفراق على خير
ابداع من احساس صادق ومعبر

مشكورين على المرور
ودمتم بود

كلمات جميله تسلمي يا جوهرة المنتدي وتقبلي مروري ودمتي بخير