يستاهل الصبح وجهك والفرح ثغرك
ما دام ربي رزقك بقرّة عيونك
طفل يفتح بدنيا فرحتك زهرك
ويزف سعد الليالي البيض في كونك
كل التهاني يعطر حرفها ذكرك
وأحلى القصايد ينور وجهها لونك
والشمع عيد .. وصبح على الزهر فجرك
وقلوب تنبض غلا .. مثلي .. يهنونك
ربك يحبك وزادك بشر في بشرك
و أهداك طفل يورق باقي غصونك
ويبدد شجون كل العمر .. وشجونك
الله يطول بعمره وعمرك
والله يصونه لبيت العز .. ويصونك
والله يحفظه .. ويبقى دوم في أمرك
ابن يحقق لك الأحلام بعيونك
بقدومه هلت البشاير
وبصوته هز المشاعر
الله يحميه من المخاطر
ويجعله دوم طيب الخاطر
بكرة تمر السنين
وتشوفه أحلى الشباب
يوقف جنبكم ويعين
وكل المصاعب تلين
بقدومه أشرقت شمس الشموس
وصار بهجة كل النفوس
نور على دنيانا وجوده
ومن اليوم بنحجزله أجمل عروس
تبدلت بوجوده الأوضاع
وصار كل شيء رائع
الله يديمه لكم يا رب
ويبعد عنكم الأوجاع
بورك لكما في الموهوب وشكرتما الواهب ..
رزقكم الله بره وبلغ أشده
وجعله الله من عباده الصالحين .