يابو حمزه وا عذاب القلب من كامل الزين
يوم شفته على الكرنيش يا وجد حالي
أسهر وهوجس ومول على الليل يا عين
قالوا خبل مجنون قلت ماني بخالي
هاك الوصوف وانته حكم بينا البين
ارجوك تحكم عدل يا نسل غالي
متوسطه في الطول في وسطه الزين
وخصرها كنه مضيق الدلالي
لها ارداف نعمه مسار اتجاهين
ولها صدر مقبل كنه الجيش عالي
وعيونها تفتن تقي مخلص الدين
لا سلهمت بالعين مال الظلالي
والا الشفايف جمر كنه براكين
تحجب وراها ثلج قطبٍ شمالي
ياهي عجايب جمعها بين ضدين
جمعت شعاع الشمس ونور الهلالي
ياكم وكم جمعت ما بين الثنين
الوجه نور والليل فوقه بدا لي
جمعت دلع وكبر وعنجهية بزارين
لا شافها ابليس تمشي قال مالي
لا مرت القوم وقفوا مثل صفين
مثل السكارى فكرهم للخيالي
تمشي رويد ارويد لاكن وبعدين
قلت اسمعيني قالت الصبر فالي
لغزٍ محيرني إلى حد ذلحين
هل هي حقيقه أو كان شيً هبالي