جل من نفس الصباح=وبسط ظله المديد
ألهم القمري النياح=يشجي النازح البعيد
سف كاس الطلا وصاح=وتغني على الجريد
أح لو كان لي جناح=كنت مثله وعاد أزيد
وامغرد لك الفلاح=استمع قصة العميد
ربة القرط والوشاح=واللمى الحالي البديد
قتلتني بلا سلاح=ودعتني لها شهيد
والذي ارسل الرياح=مبدء الانفس المعيد
ما أقول في الغرام أح=ينقص العمر او يزيد
قد علمنا بما يباح=في تامحبه وما يفيد
جدها مثلما المزاح=وعدها مثلما الوعيد
ومساها كما الصباح=غير حر المسا شديد
والضحك يتبعه نياح=وقريب الهوى بعيد
والقباح كلهن ملاح=والحقير الذليل سعيد
ودم العاشقين مباح=وقتيل الهوى شهيد
هكذا سنة الملاح=تفعل الغيد ما تريد
عاش في الناس واستراح=من يعيش بينهم وحيد
لا عرف عشقة الصباح=لا ولا شوقها الشديد
وانت يا حامل السلاح=ما معك تحمل الحديد
أحذر الاعين الصحاح=ما على فعلها مزيد
تأخذ الانفس الصحاح=والملوك عندها عبيد
وانت واطاوي البطاح=وامسافر الى زبيد
قل لمجدولة الوشاح=قد تحملت من عميد
السلام السلام صفاح=ربما انها تعيد
واذا كان بك صلاح=قل لها ان تكن رشيد
تأخذ الروح قاح بقاح=لا طلع لي ولا يزيد
وابغ احبابنا البراح=من حليف الهوى العميد
بس لا ينكي الجراح=ما على فعلها مزيد
والصلاة مثل مسك فاح=تبلغ الهاشمي المجيد