يالله ياذي لنا في ارزاقنا مقصود=عبدك على الباب يامولاي قعــاده
يامن قفا الجدب نقعت العضاه السود=.ستر عليها الورق ذي كان تعتـاده
سويت بشر المطر بارق وسيت ارعود=.وسيت في المزن سواقه وقــــواده
الحمد لك من زمان آدم وصفة هود= وعدة الطين مايحصيه عــــــــداده
ماليله الا وكفي يطلبك ممدود =ايدك كريمة وهي للخير وجـــــاده
يالله يارب تكتب لي ولد مولود =وفيه لي خير وتبارك بميــــــــلاده
اباه وسله شيبي لاقده مربود=كمن من شاب تمى في تلعــــــداده
وذي معه صيب جنبه مدفي مشدود=ولا زحف يازجى عظمه وشـــداده
وذي مامعه صيب يمسي خاطره محفود=ولا ضحك ياعيا قلبه وفكــــــــــاده
مااليوم عادني بين العرب باجود=بأسرح مع القوم ذي للحرب رداده
ماعسره الا متى ماأتفاتر المجهود=قدني كما العبد ذي يشنونه اسيـــاده
الليل يمسي في البرد العسر جلمود=والصبح تسفى عليه الطين وانـواده
قال خو حيمد امسى خاطري محفود =وامسيت اغني وهجرع من تحفــاده
وقلت ياقلب بانصبر على بل الجود=.قدسيرت منه الاشراف والســــــاده
وسار كمن قبيلي مجلسه مفقود =.وقرت الضيف تتفــــــــجى واولاده
تاليتها الموت واللحم احسبه للدود=.ومن شرد قل عقله وين مشـــــراده
وعادنا بانجي والعمل مرصود=.ريت ان شيء باتقع سكهه وجنـــاده
ماغير لاشي لنا في ربنا المعبود=يشفع لنا يوم نحضر عند ميعـــــاده
ها قال ابو خضره اني مأرحم المنقود =.وصاحبي مايعدي في تنيقـــــــــاده
يامن جعوده مدنه كنها عنقود= تحت الجيوب النديه مالنجس صاده
والوجه كنه قمر ضاوي الليالي السود=واعيان كنها جواهر حمر حقــــاده
والخشم خنجر قديمي حد له محدود= ومبسمه مثل بارق بعد جرهــــاده
والعنق عنق الغزال محتشي مردود= فضه ومرجان يقبل في تحرقــــاده
والبطن دسمال لامطوي ولا مفرود=.ويسلب العقل من طيه وفـــــــراده
طارح على الباب عسكر شرطهم مزهود=.خمسه وعشرين مراته وعـــــواده
ريتهم يفتحوا الباب للمارود= ولايبى قهوة اــــــــلوالي ولا زاده
ان كان بانعرض الدعوى على المنشود=بغيت عنده وبازوره على العـــاده
واللهج من حيث يجلس خياله مردود= ثر عاد في الناس رجامه وحساده
ياسالم ان العسل في الشامخ المحفود= ماهل دوينه وقع ضاحه ومسناده
والصيد يلوي على الماء باالضماء ملهود= ماهل عيا كيف مصداره وميراده
وانا حنيني حنين الباز المظهود= لاعقله للضماء والجوع ذـــــواده