المشاركة الأصلية كتبت بواسطة الطيار

السلام عليكم :

انا فالعادة مشاركاتي محدودة فالمنتدي لكن إن شاء الله مداخلتي تكون بسيطة, من واقع معايشتي لاكثر الشباب فالامارات تلاحظ التالي . طبعن مثل ما تعرف فيه كثير من اهل بيحان التحقوا بقبيلة المصعبين قديما وهذا شرف اكيد بحكم انهم من منطقة بيحان او المناطق القريبة و يجمعهم المنشأ و العادات و التقاليد , و اكثرهم يعرف باسم المصعبي سواءا بين ربعه من القبائل الاخري او عمله وانا واحد منهم. لكن للاسف فيه شريحه من الناس موجودة عندما يسأل عن فلان المصعبي يقول ياخي هذا مو مصعبي او هذا كذا و كذا كأن الشخص هذا عار عليهم . مع العلم انه معظمهم معروف باخلاقه او بمكانته فالعمل ويشرف نفسه و ربعه والمصعبين بافعاله.
خلني اقول لك موقف صار لي . انا طيار مدني و ممكن بعض الشباب يعرفوني شخصيا هنا فالمنتدي . في رحلة للمملكة العربية السعودية مسكت الميكرفون وودعت المسافرين قبل الهبوط . فقلت الكابتن فلان المصعبي , بعد نزول الركاب للمملكة جاني مسؤول الطاقم وقال لي في شخص ومعاه ولده يبغي يشوفك . رحت و حصلت شايب هو وولده . قال لي يا ولدي وش اسمك . قلت له انا فلان بن فلان قال و نعم بك معروف انت و اهلك بس انت منت مصعبي .قلت له ونعم بحالك يا عم انا ماني مصعبي بس مثلك عارف امور اول ولي صار ونا جيت الدنيا ونا اسمي المصعبي . و سالته يا عم انت تشوفني سويت شي ينزل الراس ؟! وولده جنبه مستحي من الكلام , قال لا والله يا ولدي انك ترفع الراس قلت له الحمد لله رايتي بيضا . و سلمت عليه و تيسر . انا اعرف مجموعه كبيرة من شباب بيحان الي دكتور ولي ضابط و مسجلين من المصعبين و تعرضوا لنفس الموقف وبعضهم حذف اسم القبيله من تاج الاسم او البطاقة. يعني اذا فيه ناس من المصعبين تشوف انه في ناس مالها حق باسم المصعبين فكيف تبغي الواحد يقول انا مصعبي عشان بكرة يجيه الي يقول له انت منت مصعبي . وتري الناس لها ظهر و بطن وماحد جا مع السيل و كلن له جد و فخذ يفتخر به . وسلامتك