البارحه قلبي من الضيق مشحون=شحن البنادق يوم حان القتالا
وياشين ضيق القلب لاصار مغبون=وأسباب غبنه من خسيس الرجالا
اللي معك تضحك وهم لك يكنون=الشر وأنواع البلا والعطالا
وانته معاهم منهجك واضح يكون=تمشي بحسن الظن سمح الخصالا
وبكره فلا قد بان لك مايخبون=دريت إن طيبك معاهم هبالا
أقولها مقهور والقلب مطعون=طعن الجنابي مصقلات السلالا
ياخافقي بالله بالهون بالهون=ما ردّت الونه فقيد الثكالا
بالله شد الحيل والامس مدفون=وإغبش مع الأغباش روس الجبالا
المرجله شامخ جبلها عن الدون=يرقا لها اللي شلّ حمل الجمالا
أما طمان القاع مالي به شؤون=أحب أنا دايم صعيب المنالا