شِ الـلي حصـل في الـعالم الـيـوم يانــاس = واْربك وهزّ وضع الدول الاقـتصادي مـصـارف امريكا عـلى ابــواب الافـلاس = وآشـوف لون الغـرب صايـر رمادي والـســير جـورج بـوش حايـر ومـنحاس = يــنـطر لـفـزعـات الـدول (والـنوادي) يحــتـاج دعـم الغــــيـر وبـــدون مـقـياس = ويـقـول من يـوقـف مـع أزمـة بـلادي والـوضـع بـأمـريكا معــقــد وحــســاس = حـتى وهي تخـــسـر تـزيــد العــنادي وين الدواء لي صرت مضروب عالرأس = يـنـشـل تـفــكـيـرك وعـقـلـك / وكادي المـشــكلـه لي مـن طـلع بــــوش هـلاس = نصـرف كلامـه ويـن، ياهـل المـبادي وان المـصـارف في الأصـل مابـها بـاس = وإنْ الـذي حاصــل (مخطـط إرادي)! خـدعه يـهـوديـه ومـن صــنــع الانجاس = بامـوال غــيرك عـن اموالـك تـفادي؟ وتُـعـفى من ديـونــك وتخــرج من الـيأس = ومن عـقـبها يصبح لـك الوضع هادي غـيرك هو اللي يضـرب أخماس باسـداس = ويعـلـن عـلى فقـد الـرصـيد الحدادي عـزي لـقـومي مـن صـــلالـه الى فـاس = تـلعـب بحـســـبـتـنـا طــوال الأيـادي ونـتـجــرع العـلـقـم ونـشـرب من الكاس = الـلي سـقـونـا مـنـه ســم0 الأعادي مانــيـــت مـــتـأكــد ولـكــنــــــني حـاس = ان الخــسـاير حجـمها غـــــير عادي لـلحـد ذا ما لإقــتـصــاد الــبـلــد سـاس = لا ماأصــدّق فِـ إقـتصـــــاد ٍ قـيـادي معقـول !! من واشـنطن إلـ حـد تكـسـاس = ماعاد بـ امــريكا ثـقـه وإعـتـمادي عـــــلامة إسـتـفـهـام مابــيـن الاقـــواس = (تنحط) والإستعجاب !! لازال بادي من أجل ذلك صغـت شـعـري عـلى أسـاس = مؤامره حـيـكـت علي0 لإصطيادي حـســبـي عـلـيـهـم كان لـلـعــدل حُــراس = الحق في وادي 0 واراهم0 بوادي