الـــعــيـــد من عاود حبيبـــــــــه وزاره
ما هوب من عيد ولا شاف لحبـــــــــــــــاب
مرت سنه فيها طعمت الــــــــــــــــمراره
قاسي من هموم الزمن في ولتعــــــــــــــاب
ولا حسبت ارباح ولا خســـــــــــــــــــاره
ولا حسبت اقوال حاسد وكــــــــــــــــذاب
همي وليفي الي بعيده ديــــــــــــــــــاره
لا انويت ازوره وان من دونه اخشـــــــــــــاب
من دونه الخظراء ومركز الامــــــــــــــــاره
وخفر السواحل منتبه لـــــــــــــــــــتهراب
نـــــــــــــجران من دونه مســــوي الاداره
قايم بحملاته على كل الاجنــــــــــــــــــاب
وانا فوادي ولعت فيه نـــــــــــــــــــاره
حتى نهار العيد والقلب لهـــــــــــــــــــاب
شبت نيار الحب في انحاء جــــــــــــــــداره
وما عاد سلوه الجماعه والاصـــــــــــــــــحاب
دواه شوفي الي مسبب دمــــــــــــــــــاره
والي سكن جرحه بالجوف ما طــــــــــــــــاب
بعده على بعدي عذاب وخســـــــــــــــــاره
ويصبر على ما جاه من حب الاجنــــــــــــــــاب
الى متى صبري يطول انتظـــــــــــــــــــاره
والشوق يالمحبوب سبب لي اتعــــــــــــــــاب
ياليتني اقضي طول عمري جـــــــــــــــــواره
واقضي بقايا العمر في ضحك واعجــــــــــــــاب