قصيده ترحيبيه بصاحب السمو الملكي الأمير فيصل بن تركي للشاعر النصراوي الشامخ:
الصبح فتح عقب ليل طويل..
من يوم أبو تركي سطع في سمانا..
يامرحبا ترحيب كامل بلا كيل..
ياصل لبو تركي يترجم غلانا..
لك الغلا والحب وافي وبالحيل..
وماظن يظهر مابقى من غلانا..
ولك المعزه صادقه دون تأويل..
الله زرعها وأرتوت من دمانا..
هذا كحيلان الوغى بالمقابيل..
فيه الشهامه باينه من لفانا..
وفيه الأمل بعد الولي يمحي الليل..
جعله مع الأمجاد يكتب لقانا..
تكفى يبوتركي تعلى على الخيل..
تكفى ترى سيف المواجع حدانا..
الروح تضما والبطولات كالسيل..
والعالمي أهل(ن)لها من زمانا..
والحظ عيا والزمن جاه تبديل..
والكل عانا من جفا الوقت عانا..
أرسم لها عقب القطاعه مواصيل..
ووحد صفوف العالمي والمكانا..
تاريخ فارس نجد مايقرب الميل..
أحفظ لنا التاريخ قبل المهانا..
ولا هنت يافيصل ولوقيل ماقيل..
والعـالمـيه شاهده للكيانا..
ولأبو بدر منا تحيه وتقبيل..
يستاهل التقبيل رجلٍ عطانا..
تشهد له الأجيال جيل ورا جيل..
والله ماننساه لوهو نسانا..
وأنا أدري أنه كفو ماهي بتطبيل..
والصدق غير الصدق ماقد كنانا..
وحنا جماهير الوفاوللمقابيل..
صرنا ترى مضرب وفا من وفانا..
ياهووووووووه
من شفت هالصوره وأنا قول هذا هو الأسد اللي يستحق عرين الرئاسه النصراويه..
إن شاء الله الموسم الجاي موسم مختلف..