السلام عليكم ورحمة الله وبركاته
تساهلن واكثر
يابن الحلال ان طعتني خل الاســـراف .. واترك جمال الغيد لاهل البصيــــره
الزين موبس في الملامح والاوصـــــاف .. الزين روح وعفه وطيب سيــــــــره
مانيب من يهوى سريا وانصـــــــــــــاف .. انا هواي وبس بنت الجزيــــــــــره
بنت الخليج اللي تماري بالاعــــــــراف .. وحنا نماري باسمها كل ديــــــــره
مالي غرام بقول وخا وبالـــــــــــــــزاف .. اذبحتني عند الطرحه المستديــره
احب قولة ياهلا وعل وماخــــــــــــلاف .. من بنت ثوبي بنت الارض النضيـره
اللي تحلاها الظبي حلو الاطــراف .. جمال في عفه ورقه وغيــــــره
واللي بها سحر مهو سحر عــراف .. ياعل عين ماتراها ضريـــــره
عطف وحنان وذوق في لين الاعطاف .. والى كشفت لثامها شفت أميـــره
صعب على اللي بالردي شاف ماعاف .. وحلوه علىاللي سنه الله ضميــره
شمس الى من اشرقت والدجا طـاف..غابت نجومك غصب لو هي كثيــره
السيف مايزهى سوى كف سيــاف .. والخيل دون حصانها مستخيــره
بس أنت دورلك على قدك لحـــاف .. وان طعتني دور بدلنا عشيـــــره
منقول
ولكم كل تحيه واحترام
ابوعمـــــــــــــــــــــــــــــــــــــــــــــ ـــــــاد