جواب الشاعرصدام الكحيلي/على
الشاعرعبدالباسط مرجان
==================
يامرحبا ترحيب يتعمم
===== بعطر عود اصلي وريحاني
عداد ما اتناشا وما غيم
==== واوطت سيول اشعابها ساني
يا اهل العفر ما عاد شي بالجم
====هجرع ورد الصوت يا الساني
حيا بذي يبدع وذي ينظم
======حيا بابو شوق ابن مرجاني
عاده بذاك العهد يتحلم
======= مايدري انه في زمن ثاني
قد راح جار الله مع ملهم
======= وفلان هو وفلان وفلاني
حد منّهم غادر وحد سلّم
=======اهوين ياغبنك بلغباني
وش تنتظر منّه علي سالم
=======يعزف لكم موال لبناني
هو ما تفرجتو على ملحم
========ياليل الا ياعين ياداني
ذا فصل والثاني بدا يقدم
======قلّي وشاروني في آذاني
وش جاك من ذمّر بغيت افهم
===باصفيك لا شي جاء من اخواني
كلما كتبت حروف تتهجم
=====لا تستمع حاسد ولا شاني
شف عاد مجزاعك على لدرم
=====عادك تبى مقبال مبطاني
هذا وشفني منهم مهتم
===== خوتي وجيراني وحدّاني
ناو البلا مابينهم خيّم
===== وامسوا على فوهات بركاني
لثنين شفهم لحمنا والدم
=====بالدعي الله يصلح الشاني
والختم باصلي وباسلم
====== على محمد نسل عدناني