بلير: الله لا يجزاك بلخير يابوش=ورطتنا في حرب صدام ورطه=غرمتنى وتقول بترول وقروش=بس الحقيقه روحتي معك غلطه = بوش : يابلير رد العلم عن بوش بن بوش=الله خلقنا للمقاريد سلطه=وابوي عنده لرجاجيل دنبوش=كم واحدنا شلنى فلوسه ونفطه بلير: ابوك والنعمين لكن انت مربوش =تموت في البترول وتحب شفطه=صحيح عندك مال وسلاح وجيوش=مير اتوقعلك تدهور وسقطه بوش: يابليركانك خفت يوم احتمى الهوش=حرام ماتاخذ من النفط قطره=قبلك ترى شيراك قدراح مكروش=شوفه يصرح كل يوم ابمحطه بلير: وراك ماتعطي لشيراك عرموش=تراة مشغلنا بشيله وحطه=ولينتهى موضوعنى نرسل اطروش=ونجمع المبلغ من الربع قطه بوش: شيراك هدا عنده الفكر مغشوش=فرط علي بمجلس الامن فرطه=تدزه اليابان والصين ويطوش=ومجهز الفيتو لتحقيق شرطه بلير: يابوش انا مرهق وخايف ومدهوش=وانت تقول الحرب خدعه وخطه=اسرى وسراك امتلا منهم الحوش=عزالله انه صابني منك جلطه