مسكين دارالحبايب بعدهم كيـف كـان=وش غيرك وانته احسن دار واحلا مكان
البدو شدو وخلو لـه همـوم الزمـان=خلوك يادار تشكـي فرقهـم والحنـان
وانا اشتكـي مابحالـي لله المستعـان=غبنك وغبني لفرقا اهل الطبوع الزيـان
دورت بعد الرحيله يـوم شـدو ثمـان=لابيت شفته ولاقصيت معزاء وضـان
سارو ومعهم قضيب البان والخيـزران=هيفا من الهيف قلبي من هواها مـلان
واعيان فيها السيوف الهنديه والسنان = نوت بقتلـي ولكنـي طلبـت الامـان
امان ياذي كلامك رش كبـد الضمـان=من حبكم راجي انـه عندكـم مايهـان

يازيـن جينـا قفـا غيبـه طويلـه نشـوف=نسعـد بالقيـاك يازيـن النظـر والكفـوف
واظهرت لي ونات هـزت ظلـوع النجـوف=وليـش يالبـدر وجهـك يعتريـه الكسـوف
واحنا نبا سمرتـك ساعـه ونـدي حـروف =اشعار نسمر عليهـا يـا جميـل الوصـوف
ومن زعلكـم زعلنـا يـوم جينـا ضيـوف =واعيانك السود تدي مـن زعلكـم وصـوف
تقول قلبك مـن المـاء يـا غزّيـل عيـوف =تبا كـرع فـي الجبـال العاليـات النيـوف
ما يشرب الماء سوى ذي له في الماء شفوف =كم ناس ضمياء وردتها من المـاء ضـروف
يعافوا الماء وقدهم علـى جالـه وقـوف=عذبتني مـن عذابـك يـا مدلـل نقـوف