يـقـول مـن عارَكْ طواري لياليه =مـا قـلـت لِـك تِحْذَرْ جديد الليالي
مـا قـلت لك يا صاحبي لاتخاويه =الـصـاحـب اللي ما يعَرْف العَدالِ
يـرميك في درب الردى منبلاويه =وانـتـه تـظـنّه من خيار الرجالِ
مـا تـدري أنّـك غافلٍ عن مساعيه =مـا تـدري أنّـه من دعاويه خالي
مـثل السراب يْغر من هو نظَرْ فيه =مـثـل الـشجَر مَيِّت ولا به ظلالِ
يـا الله مـن دهـرٍ سريعه طواريه =دهـاك وانـتـه بين حالي ومالي!!
والـخـالـق اللي كل مخلوق يرجيه =يَـمْـهِـلَ ولا يَـهْمِلْ عزيز الجلالِ
يـا مـن تولَّى شان احْرص وراعيه =واحْسِبْ حساب اللي على الخلق والي
شـاوِرْ سـديـد الراي لو ما تدانيه =وأسـأَلْ حـكيم وصاحب العِلْم غالي
مـا خـاب من هو راعي العِلمْ يهديه =الـخـاسـر اللي طاوَعْ الجهل تالي
والـجـاهل يْعادي من الناس هاديه =يـجـني على المَغْرور جَهْل الجَهَالِ