هلا ابو متعب امممممم المجاهدين هذولي مادري وش مكانهم من الاعراب بالضبط بس انا رح اقولك على المعلومات الي عندي عنهم هم ياخوي شغلهم بالضبط مثل الجوازات يقعدون يطردون وراء المجهولين بس الفرق بينهم وبين الجوزات هم يكونون خارج المدينه يعني بعيد هنا اما الجوزات يكونون داخل المدن وبعد تلاقي المجاهدين اكثرهم شيبان يعني متقاعدين من وظايفهم وجايين يشتغلون فيها بس وربي لو تشوفهم تضحك على اشكالهم يعني تشوف لبس الاردنيين الي لبس عسكري على شماغ يب يب هم كذا يلبسون بس والله ياحليلهم ماتشوفهم الا بالشهر مره مساكين شيبان..هههههههههههآآي

اهلين ياروده مادام السالفه كذا انا ما الومك تمسك معك سالفة البر خصوصا لو فيها تطعيس بس غريبه هالمصارريه الي طالعين البر انت متاكده ان هم مصاريه يعني انا اعرف انهم يتقرفون من التراب يعني اذا رح يطلعون حدهم حديقه ام البر والله قويه عليهم ورده انت متاكده انهم مصاريه يمكن يكونوا سعوديين بس اشكالهم مصريه او ان امهم مصريه..تدرون وش الي يعجبني في الشعب المصري ان سرعه كلام البزر عندهم تفوق الصوت قسم بالله يجي يتكلم ولا يوقف وحنا البزر حقنا وهو يدرس يجي لو رح يتكلم اااااا بعدين يتكلم كلمتين ااااااا هههههههههههآآي..من جد

اي والله لو فيه قاعه خاصه لهم يكون احسن قاعه تعيد الدرس مرتين من دون ما احد يتكلم والمشكله ما انقرضوا من ايام الدراسه وهم كذا بس يسون فيها يعنني انهم فاهمين عشان الدكتور يركز عليهم عندهم قاعده في الحياه انه مايقعد ساكت المهم يتكلم في الحصه..

ابو متعب يب هذا هو هدف الموضوع نسولف وندردش يعني الواحد رح يكتب كلام من نفسه وانا مابي حتى يكون اسلوبنا في الكلام غير عما هو في الواقع يعني نسولف لان مافيه شي رح يحسبنا الموضوع واضح من عنوانه ندردش بس تدري انا زعلان من بعض الاعضاء يجي يقول كلمتين ويطلع وبعدها مانشوفه انا ادري ان موضوعي هذا ما اعجب كثير من الاعضاء لان فيه فضواه كبيييره بس انا رح اقولكم شي الموضوع مسدوح حنا والي يبي يشارك حياه الله بعدين انا لاحظت عددالاعضاء زاد في هالايام مادري هل السبب موضوعي انا لان لو تشوفون عدد المشاهده على هالموضوع فوق 120 والردود بس يمكن فوق 20 عالعموم ما علينا الموضوع مفتوح للجميع ومو محدد زمن عمري اي احد يقدر يدخل ويدردش..