..................................

لما رحل عنك رجعتي تجيني
قصدك بصدري عاد شي قلب لي حي

وانتي ذبحتيني وخذتي سنيني
كم بت ليلي والحشاء يشتوي شي

لا تحسبي دمعك يحرك حنيني
اقسم بربك ما بقى داخلي شي

الا حمم من شك تحرق يقيني
والياس يطوي ما بقى من امل طي

قد كنت لك واحه على ما تبيني
تلقين فيها العطر والزهر والفي

واسقي دروبك بضياء من جبيني
وانتي دروبك قبل ما تعرف الضي

واديت لك قلبي وروحي وعيني
وانتي بجمر الغدر تكويني كي

لا قلت ليني ياحلا تطحنيني
وان قلت لك رقي على القلب تقسي

قلبي وهن من جمر به تحرقيني
ونتي كانك من لضى الجرح تزجي

واليوم اعذارك جديده تبيني
صدق وانا عرف خطوتك قبل تخطي

صرت اعرفك واحفظ طعونك تريني
والمكر في صدرك علي صعب تخبي

ما عاد يجدي نفع كيني وميني
قولي لافكارك كفى خبث واهدي

باتعرفي قدري وباتذكريني
لما وفائي ما تلاقين له زي

هيا ارحلي من عالمي واتركيني
ارجع لرشدي مل قلبي من الغي

واغوي رجل ما ذاق حرقة انيني
ولوي بحبلك حول مغتر بك لي

اما انا لو تحلمي تخدعيني
بيموت زرعك قبل ما يعرف المي