بديت بأسم مبدل الحـال لاحـوال
الواحداللـي لا محـال ابنـزوره
انا احمد الله همي اليـوم قـد زال
وشعري بعلم الطيب وقـا نـذوره
جتني فعول الطيب وجزال الافعـال
والطيب والنوماس دقـت نجـوره
الصاحب اللي فزعته تشفي الحال
يوم ان فزعات الزمـان معثـوره
له مع علوم الطيب حل وترحـال
واميزه لا جت علـوم المشـوره
والطيب ما كل لهالطيب قـد نـال
لكن ابو عبـدالله اعلـن عبـوره
يستاهله ياجعـل تفـداه الانـذال
يستاهله ويستاهـل اول سطـوره
المقدريـه دايـم لطيـب الـفـال
اللي بعلمه صار فالشعـر ثـوره
بثور في مدح وثنا وسط مرسـال
برسله للـي يستضيفـه بـدوره
ويكرمـه بعلـوم دلـه وفنجـال
وعلـوم طيـب ازرق جـاه دوره
ياصاحبي ياللي لك العـز مدهـال
العز منك ومنك قـد شـع نـوره
ومهما يكون الطيب لك فيه مدخال
والكامل الله في خفـاه ونشـوره
انت النبيه الذرب والنايف العـال
وانت الحميه تشتعل فيـك فـوره
رجال فيك الخير من ظهر رجـال
زان الدهـر والا تبايـن قفـوره
جدك عقيـد نفتخـر فيـه خيـال
عقيد قـوم فالسهـل والوعـوره
قومي نمور تنطح الشـر لا مـال
من ظمنهم ابو الشاص
انت العزيز النفس يا ذرب الا فعال
انت الخوي اللي شعوري شعوره
انت الوليده وانت للطيـب مـوال
وانت الخوي اللي تعلت شبـوره
كتبت اناشعري عقب راحت البـال
والخاطر اللي ظاق بانت سـروره
تستاهله ياللي مع الطيـب رحـال
عشريـن بيـت بيـن ال واوره