أخي العزيز alnaemy..

تحية تقدير ومحبه عشان الواجب وتحيه ثانيه لأسلوبك الرائع وتعابيرك الصادقه وتحيه ثالثه من القلب للقلب..
عزيزي النعيمي بدخل في الموضوع على طول بصراحه الوضع اللي تشكي منه أنت والماسه وباقي الأخوان عن المواضيع السفري سبب لي حاله غريبه والله ماأعرف وش هي أصبحت المواضيع عندي عاديه ومافيه ذاك الموضوع اللي يشدني عشان أتفاعل معه إلا في القسم الإسلامي والرياضي وبدون رغبه فعليه لكن بحكم المهام الإشرافيه المكلف بها ولا معاد شي نفس خالص مدري ليه أشوف المواضيع عاديه ولا فيها مايجذب مكرره ممله نفس الأسماء ونفس الطريقه وبالكوم مما سبب التكديس وإختفاء مواضيع البقيه الجميله والمتعوب عليها ..كنا في البدايات(أقصد بداية تأسيس المنتدى)بصدد وضع نظام يحدد المشاركات للعضو ب3 مشاركات في اليوم فقط وفعلأ مشينا على هالوضع فتره ويمكن الأخوان المخضرمين يذكرون هالكلام ولكن كان هناك تفاعل مع المواضيع رهيييب ونقاشات مميزه وكنت أنا عن نفسي أرى مواضيع تذهلني لكن الآن أصبح الوضع مثل ماقلت حيص بيص ومعاد تميز الرث من السمين وأعتقد أن الحل في مثل هذا الوضع هو العوده للطريقه اللي ذكرتها لكم إن كنتوا ترونها مناسبه وضعها في قسم الإقتراحات ونشوف رأي الاغلبيه وإن شاء الله يتغير الوضع وتعود الحميميه السابقه المفقوده حاليآ بالنسبه لي ..لكن بالنسبه لمواضيعك أخي النعيمي ربما تقول وش التناقض وليه تفاعل معى موضوعي وترد عليه فردي هو أنك أخي النعيمي تمتلك كاريزما عجيبه في طرحك للمواضيع ونقدك الساخر والصادق وأركز على كلمة الصادق ما عرف ليه أحسها مرتبطه بك وبما تكتب ربما لأنه من القلب وأيظآ غير الكاريزما التي تمتلكها فأنت أخي العزيز تمتلك مخزون لغوي (فصيح وشعبي) كبير وتستطيع توظيف الألفاظ في أماكنها الصحيحه ولكن مما شدني لهذا الموضوع هو قرائتي له قبل يومين تقريبآ ومشاهدتي لردود الأخوان الذين أكثروا من ذكر كلمة والد أو أخ كبير وما أعرف ليه مركزين عليها مدري المهم إنهم أدخلوا السرور في نفسي ورسموا إبتسامه على وجهي وهذا موقف نادرآ مايحدث خصوصآ من يوم سل بعض الأعضاء سيوفهم ورماحهم صوب المشرفين وأصبحوا همهم الشاغل وقلما أجي يوم ولا أجد تلويح أو تلميح أوهمز أو لمز تجاه الإداره بداعي أحيانآ وبدون أحيان أخرى ..المهم قررت أرد على الموضوع وأشارك فيه لكن وقتها كنت على عجل وما حبيت أكتب أي شي وأمشي فأنت (ماشاء الله عليك)لا ترك صغيره ولا كبيره إلا وتعلق عليها ولك الشكر والتقدير على ذلك وأنا أسعد وأفرح بمناقشة المميزين أمثالك وأنا لدي أصدقاء من خريجي الدول الإشتراكيه سابقآ وأحب مناقشتهم والشد والجذب معهم لكن خارج أمور الدين يعني في المواضيع الإجتماعيه والمواضيع السياسيه والعلميه لأنهم بصراحه إسلوبهم الحواري شيق وهذا من فوائد التعليم الصحيح والذي للأسف نفتقده كثير هنا في السعوديه وأكثر من ذلك في اليمن المهم آسف على الإطاله ولنا لقاء إن شاء الله..