اكشف سنا خدك ونور به الليل =وغط بظلام الليل خصر معزل
و ابسم بثغر(ن) بسمته نفحة الهيل =فيه البرد من ردم سحبه منزل
لون اللهب في وجنتك ويل و الويل =لا من حرقني قمت فيك اتغزل
دايم من ارهاف الشفايف مباليل =ترياق سم الشوق منها تبزل
وجسم(ن) حرير بنفحت الناسم يميل =اتجاوبه الاطراف لا من تخزل
ماخذ من الاعجاب جمله و تفصيل =احلف بربي و الكتاب المنزل
يا غايتي و مناي وكل المحاصيل =قلبي على شانك من الغيد عزل
جيتك على غفلة ووقعت بمحابيل =وارميتني يوم اغلب الناس عزل
والوصل منك نبت زهر الاكاليل =دنيتك مفروش وتناثر على الزل
اهواك و امشيلك بعطف(ن) وتبجيل =ولا لغيرك لا حشى ما تنزل
مادام خدك صبح شارق بعد ليل =طالبك تحرق لجل فيك اتغزل