ابدا بذكرك ياعليم السر في جوف الضلام =انت الاله الخالق المعبود يا واحد كريم
انا احمدك حمدن عدد ماهلت امزان الغمام =وارجاك تغفر لي وتهديني السراط المستقيم
قال ابن لحول مركب اهل العز ساير للأمام =رغم الرياح العاصفه والموج ربانه حكيم
يامن تحاول في اهتزازه مامعك غير الكلام =كم حاولو غير وخابو في رجاهم ياعديم
الاسم شامخ في السما والقدر عالي في المقام =ماهو وليد اليوم بل معروف من وقتن قديم
كم واجهتنا من عواصف عاتيه في كل عام =لكن تصدينا لها واليوم في العليا نقيم
بعون علام الخفا مرسي في الكون النظام =الحمد له والشكر له الواحد الفرد العليم
من حقي افخر وافتخر باللي معي درع وحزام =ربعي دفا جنبي وسنحي في دجى الليل الضليم
لا اتنادهو وقت الشدايد واهترا كمن همام =يردو المغتر في نفسه ولا يرجع سليم
حلو في العليا ولا شي عندهم صعب المرام =ماقد نوو له يوصلو له فضل من واحد عظيم
يشهد على وقفاتنا وافعالنا كل الانام =وقفات مذكوره ولا ينكر لها غير اللئيم
ومن وصلنا بالوفا بانوصله بالاحترام =ومن وضعنا وسط عينه نوضعه وسط الصميم
واللي يعاني دآء نفسي مانوليه اهتمام =وان قال وش ماقال قوله مثلما اقوال الحريم
وازكى صلاتي تبلغ المختار طه في الختام =نبينا ذي نرتجي ان نلتقي به في النعيم